ଶ୍ରୀରାମପୁର କ୍ରିକେଟ ଟୁର୍ଣ୍ଣାମେଣ୍ଟ, ଉଦଘାଟନୀ ମ୍ୟାଚରେ କୁପାରୀ ଓ ବାଲେଶ୍ବର ବିଜୟୀ
ଖଇରା : ବାଲେଶ୍ବର ଜିଲା ଖଇରା ବ୍ଲକ ଶ୍ୟାମସୁନ୍ଦରପୁର ଗ୍ରାମ ପଞ୍ଚାୟତ ଅଧୀନ ଶ୍ରିରାମପୁର ଗ୍ରାମ ଖେଳ ପଡିଆରେ ଶ୍ରିରାମପୁର କ୍ରିକେଟ ଟୁର୍ଣ୍ଣାମେଣ୍ଟ ଗୁରୁବାର ଉଦଘାଟିତ ହୋଇ ଯାଇଛି । ଉଦଘାଟନୀ ଦିବସର ୨ମ୍ୟାଚ ମଧ୍ୟରୁ ପ୍ରଥମ ମ୍ୟାଚରେ କୁପାରୀ ବିସି ଟିମ ଗୋପାଳପୁର ଡାର୍କ ହର୍ଷକୁ ୮ରନରେ ପରାଦ୍ତ କରିଥିଲା ।ସେହିଭଳି ୨ୟ ମ୍ୟାଚରେ ବାଲେଶ୍ବର ଥଣ୍ଡର ଇଲେଭେନ ୪୬ରନରେ ଖନ୍ତାପଡାକୁ ପରାସ୍ତ କରି ପରବର୍ତ୍ତୀ ପର୍ଯ୍ୟାୟକୁ ଉନ୍ନିତ ହୋଇଛନ୍ତି । ରାଜେନ୍ଦ୍ର ସେଠି ଓ ରଞ୍ଜନ କୁମାର ଶିଅଳ ମ୍ୟାଚ ପରିଚାଳନା କରିଥିଲେ । ପଳାସପୁର ହାଇସ୍କୁଲର ପ୍ରାକ୍ତନ ପ୍ରଧାନଶିକ୍ଷକ ସୁଦାମ ଚରଣ ରାଉତ, କୁପାରୀ ହରେକୃଷ୍ଣ ମହତାବ ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ କାଶିନାଥ ମୁଦୁଲି ,ସିଆରସିସି ଶରତ କୁମାର ପଣ୍ଡା ବିଶିଷ୍ଟ ଅତିଥି ଭାବେ ଯୋଗ ଦେଇଥିଲେ । ଟୁର୍ଣ୍ଣାମେଣ୍ଟର ଆୟୋଜକ ଶିରାଦେବୀ ସ୍ପୋର୍ଟସ୍ ଆସୋସିଏସନର ସଭାପତି ବିଷ୍ଣୁମୋହନ ମୁଦୁଲି, ମନୋରଞ୍ଜନ ମୁଦୁଲି ପ୍ରମୁଖ ସହଯୋଗ କରିଥିଲେ ।
