କିଛି ଲୋକ ସୋସିଆଲ ମିଡିଆରେ ନକରାତ୍ମକତା ବିସ୍ତାର କରୁଛନ୍ତି : କିଙ୍ଗ୍ ଖାନ
କୋଲକାତା : ବଲିଉଡ୍ ଅଭିନେତା ଶାହରୁଖ ଖାନ୍ ଆଗାମୀ ଫିଲ୍ମ ‘ପଠାନ’ ଆସନ୍ତା ଜାନୁୟାରୀ ୨୫ରେ ମୁକ୍ତିଲାଭ କରିବାକୁ ଯାଉଛି । ମାତ୍ର ମୁକ୍ତିଲାଭ ପୂର୍ବରୁ ଫିଲ୍ମକୁ ନେଇ ବିବାଦ ବଢିବାରେ ଲାଗିଛି। ଏହି ବିବାଦ ମଧ୍ୟରେ କୋଲକାତା ଚଳଚ୍ଚିତ୍ର ମହୋତ୍ସବରେ ମୁହଁ ଖୋଲିଛନ୍ତି କିଙ୍ଗ୍ ଖାନ ।
ସେ କହିଛନ୍ତି ଯେ, କିଛି ଲୋକ ସୋସିଆଲ ମିଡିଆରେ ନକରାତ୍ମକତା ବିସ୍ତାର କରୁଛନ୍ତି। ସିନେମା ହେଉଛି ସମାଜ ପରିବର୍ତ୍ତନ କରିବାର ଏକ ମାଧ୍ୟମ। ସେହିପରି ଦୁନିଆ ଯାହା ବି କରେ ନା କାହିଁକି, ମୁଁ, ତୁମେ ଏବଂ ସମସ୍ତ ସକରାତ୍ମକ ଲୋକ ଜୀବିତ ଅଛନ୍ତି।
ସୂଚନା ଯେ, ପଠାନର ପ୍ରଥମ ଗୀତ ‘ବେସର୍ମ ରଙ୍ଗ’ ଡିସେମ୍ବର ୧୨ରେ ମୁକ୍ତିଲାଭ କରିଥିଲା, ଯେଉଁଥିରେ ଦୀପିକା ପାଦୁକୋନ ଏବଂ ଶାହରୁଖ ଖାନଙ୍କ କେମେଷ୍ଟ୍ରିକୁ ଦେଖିବାକୁ ମିଳିଥିଲା। ଭିଡିଓ ଗୀତରେ ଦୀପିକାଙ୍କ ଗ୍ଲାମରସ ଏବଂ ବୋଲ୍ଡ ଲୁକ୍ ଦେଖାଯାଇଛି। ଏହାସହ ଦୀପିକା ଗୀତରେ ଏକ ସାଫ୍ରନ ରଙ୍ଗର ବିକିନି ପିନ୍ଧିଥିବାର ନଜର ଆସିଥିଲେ, ଯାହା ପରେ ବିବାଦ ଆରମ୍ଭ ହୋଇଥିଲା।
