ପ୍ରତିଶୋଧ! ଟ୍ୱିଟରରୁ ଏକ୍ସ-ଗର୍ଲଫ୍ରେଣ୍ଡଙ୍କ ଆକାଉଣ୍ଟକୁ ଡିଲିଟ୍ କଲେ ଏଲୋନ୍ ମସ୍କ

ନୂଆଦିଲ୍ଲୀ :ଏଲନ୍ ମସ୍କ ଟ୍ୱିଟରକୁ ହାସଲ କରିବା ପରେ କୌଣସି ନା କୌଣସି କାରଣରୁ ଚର୍ଚ୍ଚାରେ ରହିଛନ୍ତି । ସେ ପ୍ରଥମେ ଟ୍ୱିଟର ଟପ୍ ମ୍ୟାନେଜମେଣ୍ଟକୁ ଅପସାରିତ କରିଥିଲେ ଓ ତା’ପରେ ବ୍ଲୁ ଟିକ୍ ପାଇଁ ମାସକୁ ୮ ଡଲାର (୬୬୦ ଟଙ୍କା) ଫି ଦେବାକୁ ପଡିବ ବୋଲି ଟ୍ୱିଟ କରି ଜଣାଇ ଥିଲେ । ବର୍ତ୍ତମାନ ସେ ଟ୍ୱିଟର କର୍ମଚାରୀଙ୍କ ଛଟେଇ କରିବାକୁ ନେଇ ଚର୍ଚ୍ଚା ଅଛନ୍ତି । ଏହି ସମୟରେ ଆଉ ଏକ ଖବର ଆସିଛି ଯେ ଏଲୋନ୍ ମସ୍କଙ୍କ ସହ ପୂର୍ବରୁ ରିଲେସେନସିପି ଥିବା ହଲିଉଡ ଅଭିନେତ୍ରୀ ଅମ୍ବର ହେର୍ଡଙ୍କ ଟ୍ୱିଟର ଆକାଉଣ୍ଟକୁ ସେ ଡିଲିଟ କରି ଦେଇଛନ୍ତି ।

ଅମ୍ବର ହେର୍ଡ ନିଜେ ତାଙ୍କର ଟ୍ୱିଟର ଆକାଉଣ୍ଟ ଡିଲିଟ କରିଛନ୍ତି ନା ଟ୍ୱିଟରରୁ ତାଙ୍କ ଆକାଉଣ୍ଟକୁ ଡିଲିଟ କରି ଦିଆଯାଇଛି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଆମ୍ବର ହେର୍ଡ କିମ୍ବା ଟ୍ୱିଟରରୁ କୌଣସି ଅଫିସିଆଲ୍ ବୟାନ ହୋଇନାହିଁ । ଆମ୍ବର ହେର୍ଡଙ୍କ ଟ୍ୱିଟରରୁ ହଟାଇବାକୁ ନେଇ ଅଧିକ ଚର୍ଚ୍ଚା ହୋଇଛି କାରଣ ସେ ଏକ ବର୍ଷରୁ ଅଧିକ ସମୟ ପାଇଁ ଏଲୋନ୍ ମସ୍କଙ୍କ ସହ ରିଲେସେନସିପ ରଖିଥିଲେ । ସେମାନଙ୍କ ବିବାହ ଖବର ସାମ୍ନାକୁ ଆସିଥିଲା, କିନ୍ତୁ ବିବାହ ହୋଇନଥିଲା । କୌଣସି କାରଣ ପାଇଁ ତାଙ୍କର ବିଚ୍ଛେଦ ହୋଇ ଯାଇଥିଲା ।

ଯଦି ମିଡିଆ ରିପୋର୍ଟକୁ ବିଶ୍ୱାସ କରାଯାଏ, ତେବେ ଏହା ପରେ ଦୁହେଁ ଅଲଗା ହୋଇଗଲେ । ଟ୍ୱିଟରରୁ ତାଙ୍କ ହଟାଇବା ଖବର ପ୍ରଥମେ ‘That Umbrella Guy’ ନାମକ ଜଣେ ଟ୍ୱିଟର ୟୁଜର୍ସଙ୍କ ଦ୍ୱାରା ସେୟାର କରାଯାଇଥିଲା । ଏହି ହ୍ୟାଣ୍ଡଲ୍ ୟୁଟ୍ୟୁବର୍ ମାଥ୍ୟୁ ଲୁଇସଙ୍କର ଅଟେ । ସେବେଠାରୁ ୟୁଜର୍ସ ମାନେ ଅନେକ ପ୍ରକାରର କମେଣ୍ଟ ଦେଉଛନ୍ତି । କିଏ କହୁଛି ପ୍ରତିଶୋଧ ଆଉ କିଏ ଏହାକୁ ନେଇ କଟାକ୍ଷ କରୁଛି । ଜଣେ ୟୁଜର ଲେଖିଛନ୍ତି ଏହା ଜାଣି ଖୁସି ଲାଗିଲା ଯେ ଅମ୍ବର ନିଜେ ନିଜର ଯତ୍ନ ନେଉଛନ୍ତି । ଏହି ସମୟରେ କିଛି ଲୋକ ଏହା ମଧ୍ୟ କହୁଛନ୍ତି ଯେ ସେ ନିଜ ନିଜର ଟ୍ୱିଟର ଆକାଉଣ୍ଟ ଡିଲିଟ କରିଥାଇପାରନ୍ତି ।

ଉଲ୍ଲେଖନୀୟ ବିଷୟ ହେଉଛି, ଏଲୋନ୍ ମସ୍କଙ୍କ ଦ୍ୱାରା ଟ୍ୱିଟର ହାସଲ କରିବା ପରେ ଆମ୍ବର ହେର୍ଡ କେବଳ ଷ୍ଟାରମାନଙ୍କ ମଧ୍ୟରେ ନୁହଁନ୍ତି, ଯିଏ ଏହି ପ୍ଲାଟଫର୍ମକୁ ବିଦାୟ ଦେଇଛନ୍ତି । ତାଙ୍କ ବ୍ୟତୀତ କେନ୍ ଓଲିନ୍, ଧୋନି ବ୍ରାକ୍ସଟନଙ୍କ ପରି ହଲିଉଡର ସେଲିବ୍ରିଟିମାନେ ମଧ୍ୟ ଟ୍ୱିଟରରୁ ବିଦାୟ ନେଇଛନ୍ତି ।

୨୦୧୫ ରେ, ଅମ୍ବର ହେର୍ଡ ଅଭିନେତା ଜନି ଡେପଙ୍କୁ ବିବାହ କରିଥିଲେ । ୨୦୧୫ରେ ବିବାହ ପରେ ଦୁହେଁ ୨୦୧୭ ରେ ଛାଡପତ୍ର ହୋଇଥିଲେ । ଜନି ଡେପଙ୍କ ସହ ସମ୍ପର୍କ ସମାପ୍ତ ହେବା ପରେ ଆମ୍ବରଙ୍କ ନାମ ଏଲୋନ୍ ମସ୍କ ସହିତ ଯୋଡ଼ା ଯାଇଥିଲା । ତେବେ, ୨୦୧୬ ରେ ଦୁହିଁଙ୍କ ଏକାଠି ହେବାର କିଛି ଖବର ମଧ୍ୟ ଆକାଶ ମାର୍ଗରେ ଥିଲା । ଏହା ଏକ ଭିନ୍ନ ବିଷୟ ଯେ ମସ୍କ ଓ ଅମ୍ବର ହେର୍ଡ ସେମାନଙ୍କ ସମ୍ପର୍କକୁ ସର୍ବସାଧାରଣରେ ପ୍ରକାଶ କରିନଥିଲେ ।