ଦୁର୍ନୀତି ନିବାରଣ ସଚେତନତା ସପ୍ତାହ ପାଳନ ଅବସରରେ ୱାକାଥନ୍ ଶୋଭାଯାତ୍ରା
ବାଲେଶ୍ୱର : ବାଲେଶ୍ୱର ଡିଭିଜନ୍ ଦୁର୍ନୀତି ନିବାରଣ କାର୍ଯ୍ୟାଳୟ ପକ୍ଷରୁ ଶୁକ୍ରବାର ପୂର୍ବାହ୍ନ ୮ଟା ସମୟରେ ଦୁର୍ନୀତି ନିବାରଣ ସଚେତନତା ସପ୍ତାହ ପାଳନ ଅବସରରେ ଏକ ୱାକାଥନ୍ ଶୋଭାଯାତ୍ରା ଅନୁଷ୍ଠିତ ହୋଇଛି । ଏହି ଶୋଭାଯାତ୍ରାକୁ ଭିଜିଲାନ୍ସ ଏସ୍ପି ନରହରି ନାୟକ ପତାକା ଦେଖାଇ ଶୁଭାରମ୍ଭ କରିଥିଲେ ।
ଶୋଭାଯାତ୍ରା ପବ୍ଲିକ ସ୍କୁଲ ଠାରୁ ବାହାରି ଷ୍ଟେସନ ଛକ, ଫକୀରମୋହନ ଗୋଲେଇ, ଫାଣ୍ଡି ଛକ ଦେଇ ଜିଲାପାଳଙ୍କ ଅଫିସ୍ ନିକଟରେ ପହଞ୍ଚିଥିଲା । ଶୋଭାଯାତ୍ରାରେ ସାମିଲ ହୋଇଥିବା ଛାତ୍ରୀଛାତ୍ର, ଏନ୍ସିସି କ୍ୟାଡେଟ୍, ଏସ୍ଏଚ୍ଜି ଗ୍ରୁପ୍, ମିଶନ ଶକ୍ତିର ମହିଳାମାନେ ଭାରତକୁ ଦୁର୍ନୀତିମୁକ୍ତ ରାଷ୍ଟ୍ର ଭାବେ ଗଠନ କରିବା ନେଇ ସ୍ଲୋଗାନ ଦେଇଥିଲେ । ଏହି ଶୋଭାଯାତ୍ରାକୁ ଭିଜିଲାନ୍ସ ଅତିରିକ୍ତ ଏସ୍ପି ମହେଶ୍ୱର ସେଠୀ, ଡିଏସ୍ପି ହରେକୃଷ୍ଣ ମାଝୀ, ଡିଏସ୍ପି ଦାକ୍ଷିମ ଚରଣ ମୁର୍ମୁ, ଡିଏସ୍ପି ସିକନ୍ଦର ହେମ୍ବ୍ରମ ପରିଚାଳନା କରିଥିବା ବେଳେ ଦୁର୍ନୀତି ନିବାରଣ କାର୍ଯ୍ୟାଳୟର ସମସ୍ତ ଅଧିକାରୀ ଓ କର୍ମକର୍ତ୍ତା ସହଯୋଗ କରିଥିଲେ ।
