ଖଇରାରେ ମୁଖ୍ୟମନ୍ତ୍ରୀଙ୍କ ଜନ୍ମଦିନ ପାଳନ
ଖଇରା : ବାଲେଶ୍ୱର ଜିଲା ଅଧୀନ ଖଇରା ବ୍ଲକରେ ସ୍ଥାନୀୟ ବିଧାୟକ ଜ୍ୟୋତି ପ୍ରକାଶ ପାଣିଗ୍ରାହୀଙ୍କ ପ୍ରତ୍ୟକ୍ଷ ତତ୍ୱାବଧାନରେ ଓଡିଶାର ମହାନାୟକ ନବୀନ ପଟ୍ଟନାୟକଙ୍କ ୭୭ତମ ଜନ୍ମ ଦିବସ ବିଭିନ୍ନ କାର୍ଯ୍ୟକ୍ରମ ମଧ୍ୟରେ ପାଳିତ ହୋଇ ଯାଇଛି । ପ୍ରଥମେ ଗୋବିନ୍ଦପୁର ପଞ୍ଚାୟତର କଣ୍ଟାବଣିଆସ୍ଥିତ କେଶବ ପୁରସ୍ତମ ମାନସିକ ଅନଗ୍ରସର ବିଦ୍ୟାଳୟ ରେ ଦିବ୍ୟାଙ୍ଗ ପିଲାଙ୍କ ସହ କେକ କାଟିବା ପରେ ଫଳବଣ୍ଟନ କରିଥିଲେ । ପିଲାମାନଙ୍କୁ ଶୁଦ୍ଧ ପାନୀୟ ଜଳ ପାଇଁ ଏକ ଜଳ ବିଶୋଧକ ଯନ୍ତ୍ର ଉଦ୍ଘାଟନ କରିଥିଲେ । ବିଦ୍ୟାଳୟର ପ୍ରତିଷ୍ଠା କେଶବ ମହାପାତ୍ର,ପ୍ରଧାନଶିକ୍ଷୟତ୍ରୀ ମମତା କର,ଯୁବ ବିଜେଡି ସଭାପତି ପପୁ ବାରିକ,ଗୋବିନ୍ଦପୁର ସେବା ସମବାୟ ସମିତି ର ସଭାପତି ରବିନ୍ଦ୍ର ବେହେରା,ସମିତିସଭ୍ୟା ପାର୍ବତୀ ବାରିକ,ଯାତ୍ରା ଖଳନାୟକ ଦାମୋଦର ପଣ୍ଡା,ପ୍ରମୁଖ ଉପସ୍ଥିତ ଥିଲେ ।
ନହଙ୍ଗ ହାଇସ୍କୁଲ ପରିସରରେ ବିଜେଡି ମହିଳା ସଭାପତି ଜୟନ୍ତି ମହଲା ଓ ଜିବନବିନ୍ଦୁ କାର୍ଯ୍ୟକ୍ରମର ସଂଯୋଜକ ପ୍ରହଲ୍ଲାଦ ପତିଙ୍କ ସହଯୋଗରେ ଓଡିଶା ମୋ ପରିବାର ପକ୍ଷରୁ ଆୟୋଜିତ ରକ୍ତଦାନ ଶିବିରରେ ୯୪ୟୁନିଟ ରକ୍ତ ସଂଗ୍ରହ ହୋଇଥିଲା । ବିଧାୟକ ସମସ୍ତ ରକ୍ତଦାତାଙ୍କ ଗହଣରେ କାଟିବା ସହ ମାନପତ୍ର ବଣ୍ଟନ କରିଥିଲେ । ବ୍ଲକ ବିଜେଡି ସଭାପତି ବ୍ରଜକିଶୋର ମହାନ୍ତି,ରାଜ୍ୟ ମହିଳା କମିଟି ସଦସ୍ୟା ସୁମିତ୍ରା ମହାପାତ୍ର,ଅମରିଆ ସରପଞ୍ଚ ସସ୍ମିତା ଧିନ୍ଦା ଓ ସମିତିସଭ୍ୟା ସଂଯୁକ୍ତା ମହାପାତ୍ର,ଜିଲା ପରିଷଦ ସଭ୍ୟା ରଶ୍ମିତା ମହାପାତ୍ର,ଗୀତା ଦାସ,ନହଙ୍ଗ ପଞ୍ଚାୟତ ଏମ୍ବିକେ ଓ ସିଆରପି ପ୍ରମୁଖ ଉପସ୍ଥିତ ଥିଲେ । ସେହିଭଳି ଡଗରପଡା ସେବାଶ୍ରମରେ ଜିଲା ପରିଷଦ ସଭ୍ୟ ମାନଶ କୁମାର ଦାଶ ଗରୀବ ଅସହାୟ ପିଲାଙ୍କ ଗହଣରେ କେକ କାଟି ମୁଖ୍ୟମନ୍ତ୍ରୀଙ୍କୁ ଜନ୍ମଦିନର ଶୁଭେଛା ଜଣାଇଥିଲେ ।
