୪ କୁଖ୍ୟାତ ଲୁଟେରା ଗିରଫ ଗାଡି ଓ ସୁନା ଗହଣା ଜବତ
କଟକ : ସଦର ଥାନା ପୋଲିସ ୪ ଜଣ କୁଖ୍ୟାତ ଲୁଟେରାଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ଗୋଟିଏ ବୋଲେରୋ, ଦୁଇଟି ବୋଲେରୋ ପିକଅପ୍ ଭ୍ୟାନ, ଗୋଟିଏ ମାରୁତି ଅଲ୍ଟୋ, ୨ଟି ୟାମହା ବାଇକ୍ ଓ ଗୋଟିଏ ଅଲ୍ଟୋ ଏଲଏକ୍ସଇ କାର ସହିତ ୧୩ଟି ସୁନା ମୁଦି ଓ ମଙ୍ଗଳସୂତ୍ର ଆଦି ସୁନା ଗହଣା ଜବତ କରିଛି । ଗିରଫ ଅଭିଯୁକ୍ତମାନେ ହେଲେ କୋରାପୁଟ ଜିଲ୍ଲା ଲକ୍ଷ୍ମୀପୁରର ଜୁମା ଓରଫ ଅବଦୁଲ ନଦି ଖାନ ଓରଫ ଅବଦୁଲ ରଜାକ(୧୯), ଜଗତପୁର ଥାନା ଅନ୍ତର୍ଗତ ନୂଆସାହିର ଦେବାସିିଷ ଭୁୟାଁ ଓରଫ ଦେବ(୧୯), ଜଗତପୁର ଥାନା ଅନ୍ତର୍ଗତ ଗଣିପୁରର ବିନୋଦ ବିହାରୀ ବିଶ୍ୱାଳ(୩୦) ଓ କେନ୍ଦ୍ରାପଡା ଜିଲ୍ଲା ଗରାପୁରର ବୁଟୁ ଓରଫ ସେକ ରୁସ୍ତମ(୩୭) । ପୋଲିସ ପ୍ରଦତ୍ତ ସୂଚନା ଅନୁଯାୟୀ, ସଦର ଥାନା ଅନ୍ତର୍ଗତ ଅଢାଳିଆର ରମେଶ ସାହୁ ଅଲ୍ଟୋ ଏଲଏକ୍ସଇ (ଓଆର-୨୧-୭୪୭୯) କାରଟି ଗତ ୨୦ ତାରିଖରେ ନିଜ ଘର ସମ୍ମୁଖରେ ରଖିଥିଲା ବେଳେ ବିଳମ୍ବିତ ରାତିରେ କେହି ଦୁର୍ବୃତ୍ତ ଚୋରି କରି ନେଇଥିବା ଥାନାରେ ୨୧ ତାରିଖରେ ଅଭିଯୋଗ କରିଥିଲେ । ପୋଲିସ କେସ ନଂ ୩୬୬/୨୨ରେ ଏକ ମାମଲା ରୁଜୁ କରି ମାମଲାର ତାନ୍ତ କରି ଉପରୋକ୍ତ ୪ ଜଣଙ୍କ ସଂପୃକ୍ତି । ସେମାନଙ୍କୁ ଗିରଫ କରି ପଚରା ଉଚରା ବେଳେ ସେମାନେ ପୂର୍ବରୁ ଏହିଭଳି ଅନେକ କାର ଓ ସୁନା ଗହଣା ଚୋରି କରିଥିବା ସ୍ୱୀକାର କରିଥିଲେ । ପୋଲିସ ଚଢଉ କରି ଅଭିଯୋଗକାରୀ ରମେଶଙ୍କ ଗାଡି ସହିତ ଅନ୍ୟ ସୁନା ଗହଣା ଜବତ କରିଥିଲେ । ଆଜି ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।
