ଅବକାରୀ ଗୋଇନ୍ଦା ଦ୍ୱାରା ବାଇକ ସହ ଦେଶୀମଦ ଜବତ: ଦୁଇ ଗିରଫ
ସୋର : କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ, କଟକ, ୟୁନିଟ -୨ ତର‘ରୁ ଅନନ୍ତପୁର ବଜାର ନିକଟରେ ଆଜି ସକାଳେ ପେଟ୍ରୋଲିଂ କରାଯାଉଥିବା ସମୟରେ ଦ୍ରୁତଗତିରେ ଯାଉଥିବା ଏକ ହିରୋ ଗ୍ଲେମୋର ବାଇକକୁ ଅଟକାଇ ସେଥିରୁ ୧୫୦ ଲିଟର ଦେଶୀମଦ ଜବତ କରାଯିବା ସହିତ ଦୁଇ ଜଣକୁ ଗିର‘ କରାଯାଇଛି । ଅବକାରୀ ଗୁଇନ୍ଦା ବିଭାଗର ଡେପୁଟି ସୁପରିଟେଣ୍ଡେଣ୍ଟ ପ୍ରତାପଚନ୍ଦ୍ର ଦାସଙ୍କ ତତ୍ୱାବଧାନରେ ଆଇଆଇସି ସତ୍ୟଜିତ ଖଟୁଆଙ୍କ ନେତୃତ୍ୱରେ ଆଜି ସକାଳେ ଏକ ଟିମ ଅନନ୍ତପୁର ବଜାର ନିକଟରେ ପେଟ୍ରୋଲିଂ କରୁଥିବା ସମୟରେ ପୁରୁଣା ବାଲେଶ୍ୱରରୁ ଅନନ୍ତପୁରକୁ ଆସୁଥିବା ଓଡି ୦୧ ୪୬୮୨ ନମ୍ବର ବିଶିଷ୍ଟ ହିରୋ ଗ୍ଲେମୋର ବାଇକକୁ ଅଟକାଇଥିଲେ । ଯାଞ୍ଚ ସମୟରେ ବାଇକରୁ ୧୫୦ ଲିଟର ଦେଶୀମଦକୁ ଜବତ କରିବା ସହିତ ବାଲେଶ୍ୱର ସୁନହଟ ବଡ଼ଖୁଆ ଗ୍ରାମର ପ୍ରଶାନ୍ତ ଭଟ୍ଟାଚାର୍ଯ୍ୟ (୨୩) ଏବଂ ଡଗ୍ରୀଣିଆ ଗ୍ରାମର ଅର୍ପିତ ପଣ୍ଡା (୨୭)କୁ ଗିର‘ କରି ଅପରାହ୍ନରେ କୋର୍ଟ ଚାଲାଣ କରାଯାଇଛି । ଏହି ଚଢ଼ାଉରେ ଏଏସଆଇ ଆଲୋକ ପ୍ରଧାନ,ରମେଶ ଚନ୍ଦ୍ର ବାରିକ ଓ କନେଷ୍ଟବଳ ରାଜେଶ କିଷାନ, ବସନ୍ତ ମଲ୍ଲିକ, ସୁରଜ ବାଇଗା ପ୍ରମୁଖ ସାମିଲ ହୋଇଥିଲେ ।
