ମୁମ୍ବାଇର ଇଡିର ଚଢାଉ : ୯୧.୫ କିଲୋ ସୁନା ଏବଂ ୩୪୦ କିଲୋ ରୂପା ଜବତ
ନୂଆଦିଲ୍ଲୀ : ମୁମ୍ବାଇରେ ବୁଧବାର ଦିନ ଇଡି ଚଢାଉ କରି ୯୧.୫ କିଲୋ ସୁନା ଏବଂ ୩୪୦ କିଲୋ ରୂପା ଜବତ କରିଛନ୍ତି । ଜବତ କରିଥିବା ଜିନିଷର ଆନୁମାନିକ ସମୁଦାୟ ମୁଲ୍ୟ ୪୭.୭୬ କୋଟି ଟଙ୍କା ହେବ ବୋଲି କୁହାଯାଉଛି ।
ମିଳିଥିବା ସୂତ୍ର ଅନୁସାରେ ପାରେଖ ଏଲ୍ୟୁମିନେକ୍ସ ଲିମିଟେଡ୍ କଂପାନି ବିରୋଧରେ ଇଡିର ଦଳ ମନି ଲଣ୍ଡ୍ରେନିଂ ଦୃଷ୍ଟିରୁ ପୂର୍ବ ସପ୍ତାହରେ ଜାଂଚ କରୁଥିଲେ । ଏହି ଜାଂଚ ଅବସରରେ ମିଳିଥିବା ଜିନିଷ କାଗଜ ପତ୍ର ଅନୁସାରେ ବୁଧବାର ଦିନ ଇଡି ତଲାସି ଅଭିଯାନ ଦ୍ୱାରା ମେସର୍ସ ରକ୍ଷା ବୁଲିୟନ୍ ପରିସରରେ ଘରୋଇ ଲକରର ଚାବି ମିଳିଥିଲା ।
