ଫାଶୀ ଦେଇ ବୃଦ୍ଧଙ୍କ ଆତ୍ମହତ୍ୟା
ବାଲେଶ୍ୱର : ବାଲେଶ୍ୱର ସଦର ବ୍ଲକ ବାହାବଳପୁର ସାମୁଦ୍ରିକ ଥାନା ଅନ୍ତର୍ଗତ ଦୁବୁଲାଗଡ଼ି ଗ୍ରାମର ଜଣେ ବୃଦ୍ଧ ସୋମବାର ଫାଶୀ ଦେଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ମୃତକ ହେଲେ ଶତ୍ରୁଘନ ମଣ୍ଡଳ (୬୯) । ପାରିବାରିକ କଳହକୁ କେନ୍ଦ୍ର କରି ସେ ମାନସିକ ଭାରସାମ୍ୟ ହରାଇ ବସିଥିଲେ । ଘରେ କେହି ନ ଥିବା ବେଳେ ଶୋଇବା ଘରେ ସେ ବେକରେ ରଶି ଲଗାଇ ଫାଶୀ ଦେଇ ଆତ୍ମହତ୍ୟା କରିଥିଲେ । ଖବର ପାଇ ସେଠାରେ ପୋଲିସ ପହଞ୍ଚି ବୃଦ୍ଧଙ୍କ ଝୁଲନ୍ତା ମୃତଦେହ ଜବତ କରି ପଞ୍ଚନାମା କରିଥିଲେ । ଏ ସଂକ୍ରାନ୍ତରେ ଥାନାରେ ଏକ ଅପମୃତ୍ୟୁ ମାମଲା (ନଂ. ୯/୨୨) ରୁଜୁ ହୋଇ ବସ୍ତା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ମୃତଦେହ ବ୍ୟବଚ୍ଛେଦ କରାଯାଇଛି ।
