ପୋଖରୀରେ ପଡ଼ି ୪ବର୍ଷର ଶିଶୁ ମୃତ
ବାହାନଗା : ଆଜି ଏହି ବ୍ଲକ ସାଉଡ଼ ପଂଚାୟତ ନଡ଼ିଆଳି ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ସୂଚନା ମୁତାବକ ନଡ଼ିଆଳି ଗ୍ରାମର ତପନ ମଳିକଙ୍କ ୪ବର୍ଷର ଶିଶୁପୁତ୍ର ଲବିତ୍ର ଅଙ୍ଗନବାଡ଼ିରୁ ଫେରି ସାଇକେଲ ନେଇ ଖେଳୁଥିଲା ବେଳେ ଘର ପାଖରେ ଥିବା ପୋଖରୀରେ ପଡ଼ିଯାଇଥିଲା । ଘରଲୋକେ ବହୁତ ଖୋଜାଖୋଜି ପରେ ଲବିତ୍ର ପୋଖରୀରେ ଭାସୁଥିବାର ଦେଖିଥିଲେ । ଘରଲୋକେ ସଙ୍ଗେ ସଙ୍ଗେ ସୋର ଡାକ୍ତରଖାନାକୁ ନେଇଯାଇଥିଲେ । ହେଲେ ଡାକ୍ତର ପିଲାଟିକୁ ମୃତ ଘୋଷଣା କରିଥିଲେ । ଖବର ପାଇ ସାଉଡ଼ ବିଟ୍ ହାଉସ ଅଧିକାରୀ ସମୀର କୁମାର ବେହେରା ଘଟଣା ସ୍ଥଳରେ ପହଂଚି ଶବ ବ୍ୟବିଛେଦ ପାଇଁ ପଠାଇବା ସହିତ କେସ ନମ୍ବର ୭୨/୨୨ ରେ ଏକ ଅପମୃତ୍ୟୁ ମାମଲା ରୁଜୁ କରିଛନ୍ତି ।
