ସିବିଏସ୍ଇ ଛାତ୍ରଛାତ୍ରୀଙ୍କ ପାଇଁ ବଡଖବର! ଦଶମ, ଏକାଦଶ ଓ ଦ୍ୱାଦଶ ପାଠ୍ୟକ୍ରମରେ ସାମାନ୍ୟ ପରିବର୍ତ୍ତନ
ନୁଆଦିଲ୍ଲୀ : ସିବିଏସ୍ଇ ଛାତ୍ରଛାତ୍ରୀଙ୍କ ପାଇଁ ବଡଖବରସିବିଏସ ଛାତ୍ରଛାତ୍ରୀଙ୍କ ପାଇଁ ବଡଖବର । କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ୨୦୨୨-୨୩ ଶିକ୍ଷାବର୍ଷରେ ଦଶମ, ଏକାଦଶ ଏବଂ ଦ୍ୱାଦଶ ଶ୍ରେଣୀର ବିଦ୍ୟାର୍ଥୀଙ୍କ ପାଇଁ ପାଠ୍ୟକ୍ରମରେ ସାମାନ୍ୟ ପରିବର୍ତ୍ତନ କରିଛି । ଏହି ଅଧ୍ୟାୟଗୁଡ଼ିକ ନୂତନ ଶିକ୍ଷାବର୍ଷରୁ ଶିକ୍ଷା ଦିଆଯିବ। ବୋର୍ଡର ନୂତନ ବ୍ୟବସ୍ଥା ସମଗ୍ର ଦେଶରେ ଏକକାଳୀନ କାର୍ଯ୍ୟକାରୀ ହୋଇଛି। ଏହା ସହିତ ପାଠ୍ୟକ୍ରମରେ ପରିବର୍ତ୍ତିତ ପୁସ୍ତକ ଗୁଡ଼ିକୁ ୧୧୭ ବିଦ୍ୟାଳୟକୁ ପଠାଇ ଦେଇଥିବାର ଜଣାପଡ଼ିଛି ।
ଦଶମ ଶ୍ରେଣୀର ରାଜନୀତି ବିଜ୍ଞାନ ପୁସ୍ତକରୁ ଚତୁର୍ଥ ଅଧ୍ୟାୟରେ ଜାତି, ଧର୍ମ ଏବଂ ଲିଙ୍ଗ ପ୍ରସଙ୍ଗରେ ଏକ ଉଦାହରଣ ଭାବରେ ଦିଆଯାଇଥିବା ଫୈଜ ଅହମ୍ମଦ ଫୈଜଙ୍କ କବିତାକୁ ହଟାଇ ଦିଆଯାଇଛି।
ସେହିପରି ଏକାଦଶ ଶ୍ରେଣୀ ବିଶ୍ୱ ଇତିହାସ ପୁସ୍ତକରୁ “ସେଣ୍ଟ୍ରାଲ୍ ଇସଲାମିକ୍ ଲ୍ୟାଣ୍ଡ” ଅଧ୍ୟାୟକୁ ବାଦ ଦିଆଯାଇଛି। ଏହି ଅଧ୍ୟାୟରେ ଛାତ୍ରମାନଙ୍କୁ ଇସଲାମର ବୃଦ୍ଧି ଏବଂ ବିକାଶ, ସପ୍ତମରୁ ଦ୍ୱାଦଶ ଶତାବ୍ଦୀ ପର୍ଯ୍ୟନ୍ତ ଇସଲାମର ବିସ୍ତାର ବିଷୟରେ ସୂଚନା ଦିଆଯାଇଥିଲା। ଏହା ସହିତ ବୋର୍ଡ ଏକାଦଶ ଶ୍ରେଣୀ ପୁସ୍ତକରୁ ପାଲୋଲିଥିକ୍, ଇଣ୍ଡଷ୍ଟ୍ରିଆଲ୍ ରିଭୋଲ୍ୟୁସନ୍ ସିଲାବସରେ ମ୍ୟାନ୍ ଅଫ୍ ଏଭୋଲ୍ୟୁସନ୍ ଆଣ୍ଡ ଇଭୋଲ୍ୟୁସନକୁ ହଟାଇ ଦେଇଛି। ଏଥିରେ ଇଂଲଣ୍ଡର ଶିଳ୍ପ ବିପ୍ଳବର କାରଣ ଏବଂ ପ୍ରଭାବ, ସାମ୍ରାଜ୍ୟବାଦ କିପରି ପ୍ରୋତ୍ସାହିତ ହୋଇଥିଲା ଇତ୍ୟାଦି ଏଥିରେ ଅନ୍ତର୍ଭୂକ୍ତ ରହିଛି।
ଦ୍ୱାଦଶ ଶ୍ରେଣୀର ମୋଗଲ ସାମ୍ରାଜ୍ୟ ବିଷୟକୁ ଭାରତୀୟ ଇତିହାସ ଭାଗ ଦ୍ୱିତୀୟର ନବମ ଅଧ୍ୟାୟରୁ ଅପସାରିତ କରାଯାଇଛି। ଏହି ଅଧ୍ୟାୟରେ ଛାତ୍ରମାନଙ୍କୁ ମୋଗଲମାନଙ୍କର ଇତିହାସ, ମୋଗଲ ପ୍ରତିଷ୍ଠା, ମୋଗଲ କୋର୍ଟ, ଆକବରନାମା, ବାବରନାମା ବିଷୟରେ ଶିକ୍ଷା ଦିଆଯାଇଥିଲା। ବୋର୍ଡର ଏହି ପରିବର୍ତ୍ତନ ନୂତନ ଶିକ୍ଷା ନୀତି ସହିତ ସଂଯୁକ୍ତ, ଯେଉଁଥିରେ ଭାରତୀୟ ଶିକ୍ଷା ବ୍ୟବସ୍ଥାକୁ ପ୍ରୋତ୍ସାହିତ କରିବା ଉପରେ ଧ୍ୟାନ ଦିଆଯାଇଛି।
