ଆଜି ସମବାୟ ନିର୍ବାଚନର ଦ୍ୱିତୀୟ ପର୍ଯ୍ୟାୟ ଭୋଟ୍ : ମତଦାନ କରିବେ ୩ଲକ୍ଷ ୮୫ହଜାର ୪୮ଭୋଟର
ଭୁବନେଶ୍ୱର : ଆଜି ସମବାୟ ନିର୍ବାଚନ ପାଇଁ ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ ହେବ । ଏଥିରେ ୩ଲକ୍ଷ ୮୫ହଜାର ୪୮ଭୋଟର ମତଦାନ କରିବେ । ସକାଳ ୭ ଟା ଠାରୁ ଅପରାହ୍ନ ୪ ପର୍ଯ୍ୟନ୍ତ ଭୋଟ ଗ୍ରହଣ ହେବ । ଭୋଟ ଗ୍ରହଣ ସରିବା ପରେ ଭୋଟ ଗଣତି ହେବ ।
ଦ୍ୱିତୀୟ ପର୍ଯ୍ୟାୟରେ ୬୪୩ଟି ସମବାୟ ସମିତିରେ ମତଦାନ ହେବ । ୩୦୧୨ ସମବାୟ ସମିତିରୁ ୨୩୬୯ରେ ନିର୍ବାଚନ ହେବ ନାହିଁ । ପ୍ରାର୍ଥୀମାନେ ନିର୍ଦ୍ୱନ୍ଦରେ ନିର୍ବାଚିତ ହୋଇଥିବାରୁ ୨୩୬୯ରେ ଭୋଟିଂ ହେବ ନାହିଁ । ସେହିପରି ୧୫୫ଟି ସମ୍ବେଦନଶୀଳ ବୁଥ୍ ରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ସୁରକ୍ଷାକୁ ଦୃଷ୍ଟିରେ ରଖି ଏହି ବୁଥ ଗୁଡିକରେ ଶସସ୍ତ୍ର ପୁଲିସ ବାହିନୀର ବ୍ୟବସ୍ଥା କରାଯାଇଛି । ଅତି ସମ୍ବେଦନଶୀଳ ବୁଥରେ, ସବ କଲେକ୍ଟରମାନଙ୍କୁ ଦାୟିତ୍ୱ ଦିଆଯାଇଛି ।
