କରୋନାରେ ଅଭିନେତା ରାହୁଲ ଭୋରାଙ୍କ ପରଲୋକ
ମୁମ୍ବାଇ : ନେଟଫ୍ଲିକ୍ସ ଫିଲ୍ମ Unifreedomରେ ନଜର ଆସିଥିବା ଅଭିନେତା ରାହୁଲ ଭୋରାଙ୍କ ପରଲୋକ। ଦୀର୍ଘ ସମୟ ଧରି କରୋନାରେ ସଂକ୍ରମିତ ହୋଇ ଜୀବନ ମରଣ ସହ ସଂଘର୍ଷ କରୁଥିଲେ ରାହୁଲ। ଥିଏଟର ନିର୍ଦେଶକ ଏବଂ ପ୍ଲେ ରାଇଟର ଅରବିନ୍ଦ ଗୌର ନିଜ ଫେସବୁକ ପୋଷ୍ଟ ମାଧ୍ୟମରେ ରାହୁଲଙ୍କ ନିଧନ ନେଇ ସୂଚନା ଦେଇଛନ୍ତି।
ରାହୁଲ ଭୋରା ଶନିବାର ଫେସବୁକ୍ରେ ଏକ ପୋଷ୍ଟ ଲେଖି ଲୋକଙ୍କ ସହାୟତା ଲୋଡିଥିଲେ। କିନ୍ତୁ ସାହାଯ୍ୟ ମିଳିବା ପୂର୍ବରୁ ରବିବାର ଜୀବନ ଯୁଦ୍ଧରେ ହାରିଯାଇଛନ୍ତି ରାହୁଲ। କରୋନା ପଜିଟିଭ୍ ଚିହ୍ଟଟ ହେବା ପରେ ରାହୁଲଙ୍କ ସ୍ବାସ୍ଥ୍ୟବସ୍ଥା ବିଗିଡ଼ିଥିଲା। ଏହାକୁ ନେଇ ସେ ଫେସବୁକ୍ରେ ପୋଷ୍ଟ କରିଥିଲେ। ମୃତ୍ୟୁ ପୂର୍ବରୁ ରାହୁଲ ଫେସ୍ବୁକ୍ରେ ଲେଖିଥିଲେ, ‘ମୋତେ ଭଲ ଚିକିତ୍ସ ମିଳିଥିଲେ ବଞ୍ଚିଯାଇଥାନ୍ତି। ତୁମର ରାହୁଲ ଭୋରା।’ ଜଣେ ରୋଗୀଙ୍କ ଭଳି ସେ ନିଜ ବିଷୟରେ ସବୁ କିଛି ଉଲ୍ଲେଖ କରିଥିଲେ। ଏହା ସହ ସେ ଆହୁରି ଲେଖିଛନ୍ତି, ‘ଖୁବଶୀଘ୍ର ଜନ୍ମ ନେବି ଏବଂ ଭଲ କାର୍ଯ୍ୟ କରିବି। ଏବେ ସାହସ ହରାଇଦେଇଛି।’ ସେପଟେ ଅରବିନ୍ଦ ଗୌର ଲେଖିଛନ୍ତି, ‘ରାହୁଲ ଭୋରା ଆଉ ନାହାନ୍ତି। ମୋର ସବୁଠୁ ଯୋଗ୍ୟ କଳାକାଳ ଏ ଦୁନିଆରେ ଆଉ ନାହାନ୍ତି। ତାଙ୍କୁ ରାଜୀବ ଗାନ୍ଧୀ ହସ୍ପିଟାଲରୁ ଆୟୁଷ୍ମାନ, ଦ୍ବାରକା ସିଫ୍ଟ କରାଯାଇଥିଲା କିନ୍ତୁ ତାଙ୍କୁ ବଞ୍ଚାଇପାରିଲେ ନାହିଁ। ପ୍ଳିଜ୍ ଆମକୁ କ୍ଷମା କରିଦେବ ରାହୁଲ, ଆମେ ତୁମର ଅପରାଧୀ।’
