ଓଏଏସ ସ୍ତରରେ ବଡ଼ ଧରଣର ଅଦଳବଦଳ
ଭୁବନେଶ୍ୱର : ରାଜ୍ୟ ସରକାର ଓଏଏସ ସ୍ତରରେ ବଡ଼ ଧରଣର ଅଦଳବଦଳ କରିଛନ୍ତି । ରାଜ୍ୟ ନିର୍ବାଚନ କମିଶନରେ ଥିବା ସ୍ପେଶାଲ ସେକ୍ରେଟାରୀ ରଘୁରାମ ଆର ଲାୟରଙ୍କୁ ଉଚ୍ଚଶିକ୍ଷା ବିଭାଗ ସହ ଏସସିଇଆରଟିର ନିର୍ଦ୍ଦେଶକ ଭାବେ ଦାୟିତ୍ୱ ମିଳିଛି । ସେହିପରି ଏମକେସିଜି ମେଡିକାଲ କଲେଜର ଆଡମିନଷ୍ଟ୍ରେଟର ଥିବା ସୁଦାମ ଚରଣ ମଣ୍ଡଳଙ୍କୁ ରାଜ୍ୟ ଖଦି ଓ ଗ୍ରାମ୍ୟ ଉନ୍ନୟନ ବିଭାଗକୁ ବଦଳି ହୋଇଛି । ପାରାଦ୍ୱିପର ଅତିରିକ୍ତ ଜିଲ୍ଲା ମାଜଷ୍ଟ୍ରେଟ ପଦରେ ଥିବା କାହ୍ନୁ ଚରଣ ଧୀର ଙ୍କର ପାରାଦ୍ୱିପ ମୁନିସପାଲିଟରେ କାର୍ଯ୍ୟ ନିର୍ବାହୀ ଅଧିକାରୀ ଭାବେ ବଦଳି କରାଯାଇଛି ।
ସେହିପରି ଅନୁଜ କୁମାର ଦାସ ପଟ୍ଟନାୟକଙ୍କୁ ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ ପଦରୁ ଇସ୍ପାତ ଏବଂ ଖଣି ବିଭାଗର ଅତିରିକ୍ତ ସଚିବ ଭାବେ ବଦଳି କରାଯାଇଛି । ସୈାରିନ୍ଦ୍ର କୁମାର ରାଉତରାୟଙ୍କର ପାରାଦ୍ୱିପ ମୁନିସ ପାଲଟିର କାର୍ଯ୍ୟନିର୍ବାହୀ ଅଧିକାରୀରୁ ରାଜ୍ୟ ଏଚ ଆଣ୍ଡ ୟୁ ଡି ବିଭାଗର ଅତିରିକ୍ତ ସଚିବ ଭାବେ ବଦଳି ହୋଇଛି । ସେହିଭଳି ଭୁବନେଶ୍ୱର ମୁନିସପାଲିଟର ଡେପୁଟି କମିଶନର ଥିବା ଶୁଭେନ୍ଦୁ କୁମାର ସାହୁ ଙ୍କର ବଦଳି ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ ଖୋର୍ଦ୍ଧାକୁ ବଦଳି ହୋଇଛି ।
