ଏଫଆଇଏଚ୍ ପ୍ରୋ ଲିଗ୍ ହକି : ଆଜି ପୁଣି ଥରେ ଇଂଲଣ୍ଡ ବିପକ୍ଷରେ ଖେଳିବ ଟିମ୍ ଇଣ୍ଡିଆ
ଭୁବନେଶ୍ୱର : ଭୁବନେଶ୍ୱର କଳିଙ୍ଗ ଷ୍ଟାଡିଅମରେ ଏଫଆଇଏଚ୍ ପ୍ରୋ ଲିଗ ହକିରେ ଆଜି ପୁଣି ଥରେ ଇଂଲଣ୍ଡ ବିପକ୍ଷରେ ଖେଳିବ ଟିମ୍ ଇଣ୍ଡିଆ । ଆଜି ଏହି ମ୍ୟାଚ ସ୍ଥାନୀୟ ସମୟ ସନ୍ଧ୍ୟା ୭.୩୦ରେ ଖେଳାଯିବ । ତେବେ ଗତ ଶନିବାର ମ୍ୟାଚରେ ପରାଜୟର ପ୍ରତିଶୋଧ ନେବା ପାଇଁ ବ୍ଲୁ ଟର୍ଫକୁ ଓହ୍ଲାଇବ ଟିମ୍ ଇଂଲଣ୍ଡ । ସେପଟେ ଆଜିର ମ୍ୟାଚରେ ଭାରତ ବିଜୟ ଲାଭ କରି ଏଫଆଇଏଚ ପ୍ରୋ ଲିଗ୍ ହକିର ପଏଣ୍ଟ ଟେବୁଲର ପ୍ରଥମ ସ୍ଥାନରେ ନିଜ ସ୍ଥାନ ସୁଦୃଢ଼ କରିବାକୁ ଚେଷ୍ଟା କରିବ ।
ସୂଚନା ଯେ, ଚଳିତ ଏଫଆଇଏଚ୍ ପ୍ରୋ ଲିଗ୍ ହକିରେ ଗତ ଶନିବାର ଖେଳାଯାଇଥିବା ଇଂଲଣ୍ଡ ବିପକ୍ଷ ପ୍ରଥମ ମ୍ୟାଚରେ ଘରୋଇ ଦଳ ଭ୍ରମଣକାରୀ ଇଂଲଣ୍ଡକୁ ସୁଟ୍ ଆଉଟରେ ପରାସ୍ତ କରିଥିଲା । ମ୍ୟାଚ ଶେଷ ହେବା ସୁଦ୍ଧା ଉଭୟ ଦଳ ୩ଟି ଲେଖାଏଁ ଗୋଲ ସ୍କୋର କରିଥିଲେ । ଯାହା ଫଳରେ ଏହି ମ୍ୟାଚଟି ସୁଟ୍ ଆଉଟକୁ ଯାଇଥିଲା । ସୁଟ୍ ଆଉଟରେ ଭାରତ ଇଂଲଣ୍ଡକୁ ୩-୨ରେ ପରାସ୍ତ କରିଥିଲା ।
