ଟ୍ରାକ୍ଟର ଚାପାରେ ଜଣେ ମୃତ
ସୁକିନ୍ଦା : ଯାଜପୁର ଜିଲା ସୁକିନ୍ଦା ଥାନା ଅନ୍ତର୍ଗତ ହରିପୁର ବିଜୁ ପାର୍କ ସମ୍ମୁଖରେ ଆଜି ଟ୍ରାକ୍ଟର ଚାପାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି । ମୃତକ ହେଲେ ସୁକିନ୍ଦାଗଡ଼ ଭୂମିଜ ସାହିର ଶଙ୍କର ନାଏକ ।
ସୂଚନା ଯେ, ଶଙ୍କର ଟ୍ରାକ୍ଟର( ଓଡି୦୪ଏଫ ୫୨୦୯)ରେ ବସି ଯାଉଥିବା ବେଳେ ହରିପୁର ପାର୍କ ନିକଟରେ ଥିବା ହମ୍ପସରେ ଭାରସାମ୍ୟ ହରାଇ ତଳକୁ ଖସି ପଡିଥିଲେ । ଫଳରେ ଟ୍ରାକ୍ଟର ପଛ ଚକା ତଳେ ଚାପି ହୋଇ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ଖବର ପାଇ ସୁକିନ୍ଦା ପୋଲିସ ଘଟଣାସ୍ଥଳରେ ପହଞ୍ôଚ ଶବ ଜବତ କରି ବ୍ୟବଚ୍ଛେଦ ପାଇଁ ଦାନଗଦୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ ।
