ଭାରସାମ୍ୟ ହରାଇ ନଦୀରେ ବୁଡ଼ିଲା ଡଙ୍ଗା : ୨୬ ମୃତ, ଅନେକ ନିଖୋଜ
ବାଂଲାଦେଶ : ବାଂଲାଦେଶ ପଦ୍ମନଦୀରେ ଅଘଟଣ । ଭାରସାମ୍ୟ ହରାଇ ନଦୀରେ ଡଙ୍ଗା ବୁଡିଯିବାରୁ ୨୬ ଜଣଙ୍କ ମୃତ୍ୟୁ ହୋଇଛି । ସୋମବାର ସକାଳୁ ଘଟିଛି ଏଭଳି ଅଘଟଣ । ତେବେ ଏବେବି ଆହୁରି ଅନେକ ପାଣି ଭିତରେ ନିଖୋଜ ଥିବା ସୂଚନା ରହିଛି ।
ବରିଷ୍ଠ ପୋଲିସ ଅଧିକାରୀ ମିରାଜ ହୋସେନଙ୍କ କହିବା ଅନୁଯାୟୀ ଆମେ ଖବର ପାଇ ସଂଗେ ସଂଗେ ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିଥିଲୁ । ତେବେ ଆମକୁ ୨୬ଟି ମୃତଦେହ ମିଳିଥିଲା । ଆହୁରି ଅନେକଙ୍କୁ ଖୋଜା ଚାଲିଛି । ତେବେ ୫ ଗୁରୁତରଙ୍କୁ ଚିକିତ୍ସା ପାଇଁ ଡାକ୍ତରାଖାନାରେ ଭର୍ତ୍ତି କରାଯାଇଛି । ନିମ୍ନ ଆଭ୍ୟନ୍ତରୀଣ ଜଳପଥ ଓ ନିରାପତ୍ତା ମାପଦଣ୍ଡ ସତ୍ତ୍ୱେ ପ୍ରତିବର୍ଷ ବାଂଲାଦେଶ ନଦୀ ଘାଟରେ ଏଭଳି ଅଘଟଣ ଘଟୁଛି । ଶହ ଶହ ସଂଖ୍ୟାରେ ଲୋକେ ମୃତ୍ୟୁବରଣ ବି କଲେଣି ।
