ଆଜି ତୃତୀୟ ଟି-୨୦! କୀର୍ତ୍ତିମାନ ଅପେକ୍ଷାରେ ଚହଲ
ନୂଆଦିଲ୍ଲୀ : ଆଜି ଭାରତ ଏବଂ ଓ୍ୱେଷ୍ଟଇଣ୍ଡିଜ ତୃତୀୟ ତଥା ଶେଷ ଟି-୨୦ ମୁକାବିଲା । ଏହି ମ୍ୟାଚରେ କୀର୍ତ୍ତିମାନ ଅପେକ୍ଷାରେ ସ୍ପିନର ୟୁଝବେନ୍ଦ୍ର ଚହଲ। ସେ ଆଉ ଗୋଟିଏ ୱିକେଟ୍ ଅକ୍ତିଆର କରିପାରିଲେ ଦ୍ରୁତ ବୋଲର ଯଶପ୍ରୀତ ବୁମ୍ରାଙ୍କୁ ଟପି ଟି-୨୦ରେ ଭାରତର ସର୍ବାଧିକ ୱିକେଟ୍ ହାସଲକାରୀ ହେବ।
ସୂଚନା ଯେ, ଚହଲ ସମ୍ପ୍ରତି ୫୨ ମ୍ୟାଚ୍ ଖେଳି ୬୬ ୱିକେଟ୍ ନେଇଛନ୍ତି। ଅନ୍ୟପକ୍ଷରେ ବୁମ୍ରା ୫୫ ଟି-୨୦ରୁ ସମାନ ୬୬ ୱିକେଟ୍ ନେଇଛନ୍ତି। ଦ୍ବିତୀୟ ଟି-୨୦ ଜିତି ଭାରତ ଘରୋଇ ପରିବେଶରେ ଲଗାତାର ୬ ଶୃଙ୍ଖଳା ଜିତିଛି। ଶେଷ ଥର ପାଇଁ ଭାରତ ୨୦୧୯ ଫେବ୍ରୁଆରିରେ ଅଷ୍ଟ୍ରେଲିଆ ଠାରୁ ୦-୨ରେ ଶୃଙ୍ଖଳା ହାରିଥିଲା। ସବୁ ଫର୍ମାଟକୁ ମିଶାଇ ଭାରତ ଘରୋଇ ପରିବେଶରେ କ୍ରମାଗତ ୧୩ ଶୃଙ୍ଖଳା ଜିତିଛି।
