ବଚ୍ଚନ ପାଣ୍ଡେର ଟ୍ରେଲର୍ ରିଲିଜ୍, ଗ୍ୟାଙ୍ଗଷ୍ଟାର ଭୂମିକାରେ ଅକ୍ଷୟ
ମୁମ୍ବାଇ : ଖିଲାଡି ଷ୍ଟାର ଅକ୍ଷୟ କୁମାରଙ୍କ ବହୁ ପ୍ରତୀକ୍ଷିତ ଫିଲ୍ମ “ବଚ୍ଚନ ପାଣ୍ଡେ”ର ରିଲିଜ୍ ହୋଇଯାଇଛି ଟ୍ରେଲର୍ । ଟ୍ରେଲରରେ ଭୟଙ୍କର ଅବତାରରେ ନଜର ଆସିଛନ୍ତି ଅକ୍ଷୟ । ପରଦାରେ ଏବେ ପୁଣି ଆକ୍ସନ ମୁଡରେ ତାଙ୍କୁ ଦେଖିବାକୁ ମିଳିବ । ଜଣେ ଗ୍ୟାଙ୍ଗଷ୍ଟାର ଭୂମିକାରେ ତାଙ୍କୁ ଦେଖିବାକୁ ପାଇବେ ଦର୍ଶକ । ଟ୍ରେଲର ରିଲିଜ୍ ପରେ ଅକ୍ଷୟ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏହାକୁ ସେୟାର କରିଛନ୍ତି ।
୩ମିନିଟ୍ ୪୨ ସେକେଣ୍ଡର ଏହି ଟ୍ରେଲରରେ ଦେଖିବାକୁ ମିଳୁଛି ଅକ୍ଷୟଙ୍କର ଗୁଣ୍ଡାରାଜ । ତାଙ୍କର ଗୋଟିଏ ଆଖିକୁ ଦେଖାଯାଉ ନଥିଲେ ବି ସମସ୍ତଙ୍କ ଉପରେ ରହିଛି ବଚ୍ଚନ ପାଣ୍ଡେଙ୍କ ନଜର । ଏପିରକି ତାଙ୍କ ବିନା ଅନୁମତିରେ ଗୋଟିଏ ପତ୍ରବି ହଲିବା ମୁସ୍କିଲ୍। ଯିଏ ଭୁଲ୍ କରୁଛି ତାକୁ ପେଟ୍ରୋଲ ଢ଼ାଳି ଜୀବନ୍ତ ଜାଳି ଦେଉଛନ୍ତି ବଚବଚନ ପାଣ୍ଡେ । ଆଉ କାହାକୁ ପୁଣି ହାତୁଡିରେ ପିଟି ପିଟି ମାରି ଦେଉଛନ୍ତି। ଏଭଳି କିଛି ଭୟଙ୍କର ଚିରତ୍ରରେ ନଜର ଆସିଛନ୍ତି ବଲିଉଡର ଖିଲାଡି ଷ୍ଟାର ଅକ୍ଷୟ କୁମାର। କିଛି ଦମ୍ଦାର ଆକ୍ସନ ସାଙ୍ଗକୁ ତାଙ୍କର ଭୟଙ୍କର ଲୁକ୍ ଦର୍ଶକଙ୍କୁ ଆକର୍ଷିତ କରିଛି ।
ଏହା ସହ ଟ୍ରେଲରରେ କ୍ରୀତି ସାନନ୍, ଜାକଲିନ୍ ପର୍ଣ୍ଣାଣ୍ଡିଜ୍, ପଙ୍କଜ୍ ତ୍ରିପାଠୀ, ଅଶରଦ୍ ୱାର୍ଶୀ, ପ୍ରତୀକ ବବର୍ ଓ ଅଭିମନ୍ୟୁ ସିଂଙ୍କ ମଧ୍ୟ ନଜର ଆସିଛନ୍ତି । କ୍ରିତି ସାନନଙ୍କୁ ଜଣେ ସାମ୍ବାଦିକା ଭୂମିକାରେ ଦେଖିବାକୁ ମିଳିଛି । ସେପଟେ ଜ୍ୟାକଲିଜ୍ ହୋଇଛନ୍ତି ବଚ୍ଚନ ପାଣ୍ଡେଙ୍କ ଗାର୍ଲଫ୍ରେଣ୍ଡ । ଟ୍ରେଲର୍ ରିଲିଜ୍ ହେବାର ଅଳ୍ପ ସମୟ ମଧ୍ୟରେ ଲକ୍ଷ ଲକ୍ଷ ଭିୟୁ ମିଳିଛି । ଆକ୍ସନ୍ ଓ କମେଡିରେ ଭରପୁର ଏହି ଫିଲ୍ମଟି ମାର୍ଚ୍ଚ ୧୮ ତାରିଖରେ ରିଲିଜ୍ ହେବ ।
