ଅସମ୍ଭବ କ୍ୟାଚ୍ ଧରିଲେ ରୋହିତ, ସୋସିଆଲ ମିଡିଆରେ ଭାଇରାଲ
ନୂଆଦିଲ୍ଲୀ : ଭାରତ ଓ ଓ୍ୱେଷ୍ଟଇଣ୍ଡିଜ ମଧ୍ୟରେ ଖେଳାଯାଇଥିବା ପ୍ରଥମ ଟି୨୦ ମ୍ୟାଚକୁ ଜିତିଛି ଭାରତ । ମୁକାବିଲାରେ ଭାରତ ଭଲ ବୋଲିଂ ଓ ଫିଲ୍ଡିଂ କରିଥିବା ବେଳେ ୬ ଓ୍ୱିକେଟରେ ହାରିଲା ଇଣ୍ଡିଜ । ଏହି ମ୍ୟାଚ୍ରେ ରୋହିତ ଶର୍ମା ଏପରି କ୍ୟାଚ୍ ଧରିଥିଲେ ଯାହା ସମସ୍ତଙ୍କୁ ଚକିତ କରିଛି ।
ଇଣ୍ଡିଜ ଇନିଂସର ଶେଷ ବଲରେ ରୋହିତ ଧରିଥିଲେ ଏକ ଅସମ୍ଭବ କ୍ୟାଚ୍ । ଶେଷ ବଲରେ ଓଡିଅନ୍ ସ୍ମିଥ୍ ବଡ ସଟ୍ ଖେଳିଥିଲେ । କିନ୍ତୁ ବଲ ଠିକରେ ବ୍ୟାଟରେ ବାଜି ନଥିଲା । ଏହା ସିଧା ମିଡ ଅନ୍ ଦିଗକୁ ଯାଇଥିଲା । ଏହି କ୍ୟାଚକୁ ରୋହିତ ସହଜରେ ଧରି ନେଇଥିଲେ ।
କିନ୍ତୁ ରୋହିତ କ୍ୟାଚ୍ ଧରିବା ବେଳେ ସାମ୍ନାରେ ଥିବା ସୂର୍ଯ୍ୟକୁମାର ଯାଦବ ମଧ୍ୟ କ୍ୟାଚ୍ ଧରିବାକୁ ଆସିଥିଲେ । ଉଭୟ ଧକ୍କା ହୋଇ ଯିବାର ଭୟ ଥିଲା । କିନ୍ତୁ ରୋହିତ ନିଜ ଅନ୍ଦାଜରେ କଷ୍ଟକର କ୍ୟାଚକୁ ଧରି ପକାଇଥିଲେ । କ୍ୟାଚର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହୋଇଛି । ୟୁଜର ଏହାକୁ ତାରିଫ କରୁଛନ୍ତି । ଏପରି କ୍ୟାଚ୍ ଧରି ଫିଟନେସ୍ ଉପରେ ପ୍ରଶ୍ନ ଉଠାଉଥିବା ବ୍ୟକ୍ତିଙ୍କୁ ରୋହିତ କଡା ଜବାବ ଦେଇଛନ୍ତି ।
