ଖୁସି ଖବର ! ଟ୍ରାକ୍ଟର କିଣିବାକୁ ମିଳିବ ୫୦% ସବସିଡି, ଜାଣନ୍ତୁ କେମିତି ମିଳିବ ଫାଇଦା
ନୂଆଦିଲ୍ଲୀ: ଦେଶରେ ଚାଷୀଙ୍କ ଆୟ ବୃଦ୍ଧି ତଥା ସେମାନଙ୍କୁ ଆର୍ଥିକ ଦୃଷ୍ଟିରୁ ସାହାଯ୍ୟ କରିବା ପାଇଁ ମୋଦି ସରକାର ଅନେକ ଯୋଜନା ପ୍ରଣୟନ କରୁଛନ୍ତି। ପିଏମ କିସାନ ଯୋଜନା ଅଧୀନରେ ବାର୍ଷିକ ୬ ହଜାର ଟଙ୍କା ଚାଷୀଙ୍କ ଆକାଉଣ୍ଟରେ ଜମା ହୋଇଥାଏ । କୃଷକମାନେ ମଧ୍ୟ ଚାଷ ପାଇଁ ଅନେକ ପ୍ରକାରର ମେସିନ୍ ଆବଶ୍ୟକ କରନ୍ତି । ଏଭଳି ପରିସ୍ଥିତିରେ ଚାଷୀଙ୍କୁ ସାହାଯ୍ୟ କରିବା ପାଇଁ କେନ୍ଦ୍ର ସରକାର ଟ୍ରାକ୍ଟର କିଣିବା ପାଇଁ ସବସିଡି ଦେଉଛନ୍ତି । ଏହି ସବସିଡି ‘ପିଏମ କିସାନ ଟ୍ରାକ୍ଟର ଯୋଜନା’ ଅଧୀନରେ ଦିଆଯାଉଛି।
ବାସ୍ତବରେ ଚାଷ ପାଇଁ ଚାଷୀଙ୍କ ପାଇଁ ଟ୍ରାକ୍ଟର ଅତ୍ୟନ୍ତ ଗୁରୁତ୍ୱପୂର୍ଣ୍ଣ । କିନ୍ତୁ ଦେଶରେ ଅନେକ କୃଷକ ଅଛନ୍ତି, ଯେଉଁମାନଙ୍କର ଆର୍ଥିକ ଅବସ୍ଥା ଖରାପ ଥିବାରୁ ଟ୍ରାକ୍ଟର ନାହିଁ। ଏଭଳି ଭୟଙ୍କର ପରିସ୍ଥିତିରେ ସେମାନଙ୍କୁ ଟ୍ରାକ୍ଟର ଭଡାରେ ନେବାକୁ ପଡ଼ିଥାଏ ନହେଲେ ବଳଦ ଦ୍ୱାରା ଚାଷ କରିଥାନ୍ତି। ଏଭଳି ପରିସ୍ଥିତିରେ ଚାଷୀଙ୍କୁ ସାହାଯ୍ୟ କରିବା ପାଇଁ ସରକାର ଏହି ଯୋଜନା ଆଣିଛନ୍ତି। ପିଏମ କିସାନ ଟ୍ରାକ୍ଟର ଯୋଜନା ଅଧୀନରେ ଚାଷୀଙ୍କୁ ଅଧା ମୂଲ୍ୟରେ ଟ୍ରାକ୍ଟର ଯୋଗାଇ ଦିଆଯିବ।
ଚାଷୀଙ୍କୁ ଟ୍ରାକ୍ଟର କିଣିବା ପାଇଁ କେନ୍ଦ୍ର ସରକାର ସବସିଡି ପ୍ରଦାନ କରୁଛନ୍ତି। ଏହା ଅଧୀନରେ କୃଷକମାନେ ଯେକୌଣସି କମ୍ପାନୀର ଟ୍ରାକ୍ଟରକୁ ଅଧା ମୂଲ୍ୟରେ କିଣିପାରିବେ । ବାକି ଅଧା ଅର୍ଥ ସବସିଡି ହିସାବରେ ସରକାର ପ୍ରଦାନ କରିବେ । ଏହା ବ୍ୟତୀତ ଅନେକ ରାଜ୍ୟ ସରକାର ମଧ୍ୟ ନିଜ ନିଜ ସ୍ତରରେ ଚାଷୀଙ୍କୁ ଟ୍ରାକ୍ଟର ଉପରେ ୨୦ ରୁ ୫୦ ପ୍ରତିଶତ ସବସିଡି ପ୍ରଦାନ କରୁଛନ୍ତି।
ଆପଣଙ୍କୁ କହିରଖୁଛୁ ଯେ, ଏହି ସବସିଡି କେବଳ ଟ୍ରାକ୍ଟର କିଣିବାରେ ସରକାର ପ୍ରଦାନ କରିବେ। ଯଦି ଆପଣ ମଧ୍ୟ ଏହି ଯୋଜନାର ଲାଭ ଉଠାଇବାକୁ ଚାହାଁନ୍ତି, ତେବେ ଚାଷୀଙ୍କୁ ଏଥିପାଇଁ ଆଧାର କାର୍ଡ, ଲ୍ୟାଣ୍ଡ ପେପର, ବ୍ୟାଙ୍କ ବିବରଣୀ, ପାସପୋର୍ଟ ସାଇଜ୍ ଫଟୋ ରହିବା ଆବଶ୍ୟକ । ଏହି ଯୋଜନା ଅଧୀନରେ, କୃଷକମାନେ ନିକଟସ୍ଥ ସିଏସସି କେନ୍ଦ୍ର ପରିଦର୍ଶନ କରି ଅନଲାଇନରେ ଆବେଦନ କରିପାରିବେ।
