ଛୁଆ ହାତୀର ମୃତଦେହ ଉଦ୍ଧାର
ଅନୁଗୋଳ : ଅନୁଗୋଳ ଜିଲ୍ଲା ଆଠମଲ୍ଲିକ ହଣ୍ଡପା ବନାଞ୍ଚଳ ଖଳିତଇଳା ଫୁଲଆମ୍ବ ହାଇସ୍କୁଲ ନିକଟରେ ଏକ ହାତୀର ମୃତଦେହ ପଡିଥିବାର ଗ୍ରାମବାସୀ ଦେଖିଥିଲେ । ଏନେଇ ସେମାନେ ବନବିଭାଗକୁ ଜଣାଇଥିଲେ । ଘଟଣାସ୍ଥଳରେ ବନ ବିଭାଗ ପହଞ୍ଚି ପାଞ୍ଚ ବର୍ଷର ପୁରୁଷ ହାତୀର ମୃତଦେହକୁ ଉଦ୍ଧାର କରିଛି । ହାତୀ ଛୁଆଟି ଗୋଠଖଣ୍ଡିଆ ହୋଇ ରୋଗଗ୍ରସ୍ତରେ ମରିଥିବାର ବନ ବିଭାଗ ପ୍ରକାଶ କରିଛି । ଅପରପକ୍ଷରେ ସ୍ଥାନୀୟ ଲୋକଙ୍କ କହିବାନୁସାରେ, ହାତୀଟି ଠେଲକୋନାଳୀ ପ୍ରୋଜେକ୍ଟ ପରିସରରେ ୨ ରୁ ୩ ଦିନ ଆଗରୁ ମରି ପଡ଼ିଥିଲା ।
ତେବେ ସୋମବାର ସକାଳେ ଜଙ୍ଗଲକୁ ମହୁଲ ଗୋଟାଇବାକୁ ଯାଇଥିବା ଗ୍ରାମବାସୀ ମାନେ ଛୋଟହାତୀଟି ନୂଆଁ ଭୂଇଁ କେନାଲ ରାସ୍ତା ଫୁଲଆମ୍ବ ଖଳି ତଇଳା ଠାରେ ମରିପଡିଥିବା ଦେଖିଥିଲେ । ଏହାପରେ ସେମାନେ ବନ ବିଭାଗକୁ ଖବର ଦେଇଥିଲ । ବନ ବିଭାଗର କର୍ମଚାରୀ ଆସି ମୃତଦେହକୁ ଜଗି ରହିଛନ୍ତି । ହାତୀର ଶରୀରରେ କ୍ଷତ ଚିହ୍ନ ଥିବାରୁ ଲୋକେ କେହି ଏହାକୁ ଶିକାର କରିଛନ୍ତି ବୋଲି କହୁଛନ୍ତି ।
