ବାଇକ ସହ ଟ୍ରକ ଧକ୍କା : ଜଣେ ମୃତ, ୨ ଗୁରୁତର
ବାଲେଶ୍ୱର : ବାଲେଶ୍ୱର ଜିଲା ୬୦ ନଂ. ଜାତୀୟ ରାଜପଥର ସହଦେବଖୁଣ୍ଟା ମଡ଼େଲ ଥାନା ଅନ୍ତର୍ଗତ ଫୁଲାଡ଼ି ନିକଟରେ ବୁଧବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ବାଲେଶ୍ୱରରୁ ହଳଦୀପଦା ଫେରୁଥିବା ସମୟରେ ଏକ ବାଇକ ଭାରସାମ୍ୟ ହରାଇ ଟ୍ରକ ସହ ଧକ୍କା ହୋଇଥିଲା । ବାଇକରେ ବସିଥିବା ଯୋଗେଶ ଦାଶ (୪୧) ଙ୍କର ଘଟଣା ସ୍ଥଳରେ ମୃତ୍ୟୁ ହୋଇଛି । ମୃତ ବ୍ୟକ୍ତି ଜଣକ ବାଲେଶ୍ୱର ହଳଦୀପଦା ପଞ୍ଚାୟତ ଅଧିନ ଅମ୍ବାପୂଜାର ବ୍ରାହ୍ମଣଶାସନ ଗ୍ରାମର ବୋଲି ଜଣାପଡ଼ିଛି ।
ତେବେ ଚାଳକ ଟୁକୁନା ଦାସ (୨୩) ଓ ମୃତକଙ୍କ ପୁଅ ରୁଦ୍ର ନାରାୟଣ ଦାସ (୪) ଆହତ ହୋଇଥିବା ବେଳେ ସ୍ତ୍ରୀ ମଞ୍ଜୁଲତା ଦାସ(୩୨)ଙ୍କର କିଛି କ୍ଷତି ହୋଇ ନଥିବା ସୂଚନା ମିଳିଛି । ଘଟଣା ସ୍ଥଳରେ ୧୦୮ ଆମ୍ବୁଲାନ୍ସ ଜରିଆରେ ମୃତ ବ୍ୟକ୍ତି ଓ ଆହତଙ୍କୁ ବାଲେଶ୍ୱର ଜିଲା ମୁଖ୍ୟ ଚିକିତ୍ସାଳୟ ଅଣାଯାଇଥିଲା । ପୋଲିସ ପହଞ୍ôଚ ତଦନ୍ତ ଆରମ୍ଭ କରିଛି । ବାଇକ୍ରେ ଚାରି ଜଣ ଯାଉଥିବା ଜଣାପଡ଼ିଛି । ଏନେଇ ଥାନାରେ ଏକ ମାମଲା ରୁଜୁ ହୋଇଛି ।
