୫ ଦିନ ବନ୍ଦ ରହିବ ମା’ ତାରିଣୀ ଦର୍ଶନ: ଜାଣନ୍ତୁ କଣ ପାଇଁ ଓ କେଉଁ ଦିନ
କେନ୍ଦୁଝର : ଘଟଗାଁରେ ମା ତାରିଣୀଙ୍କ ଦର୍ଶନ ଏବେ ସାଧାରଣ ଭକ୍ତଙ୍କ ପାଇଁ ବନ୍ଦ ରହିଛି । ପର୍ଯ୍ୟଟନ ଋତୁ ଥିବାରୁ ମନ୍ଦିରରେ ଦର୍ଶନାର୍ଥୀଙ୍କ ସଂଖ୍ୟା ବୃଦ୍ଧି ପାଉଛି । ବଡ଼ଦିନ ଓ ନୂତନ ବର୍ଷରେ ମଧ୍ୟ ଅଧିକ ଭିଡ ହେବାର ସମ୍ଭାବନା ରହିଛି । ଏହି ଭିଡ଼କୁ ପରିଲକ୍ଷିତ ଆସନ୍ତା ୨୫, ୨୬, ୩୧ ଏବଂ ୨୦୨୨ ଜାନୁଆରୀ ମାସ ୧, ୨ତାରିଖରେ ମା ତାରିଣୀଙ୍କ ଦର୍ଶନ ବନ୍ଦ ରହିବ ବୋଲି ମନ୍ଦିର ଟ୍ରଷ୍ଟ ପକ୍ଷରୁ ସୂଚନା ଦିଆଯାଇଛି । ମା ତାରିଣୀ ଟ୍ରଷ୍ଟ ବୋର୍ଡ ଏହି ବନ୍ଦ ସୂଚନା ସୋସିଆଲ ମିଡିଆ ପେଜ ଓ ସାମ୍ବାଦିକ ସମ୍ମିଳନୀ ଦ୍ୱାରା ଜଣାଇଥିଲେ ।
ଆସନ୍ତା ସୋମବାର ୨୭ ତାରିଖ ମଧ୍ୟ ମନ୍ଦିରରେ ସାଧାରଣ ଦର୍ଶନ ବନ୍ଦ ରହିବା ନେଇ ଜିଲ୍ଲାପାଳଙ୍କ କାର୍ଯ୍ୟାଳୟ ପକ୍ଷରୁ ସାନି ସୂଚନା ଦିଆଯାଇଛି । ଜିଲ୍ଲାପାଳଙ୍କ କାର୍ଯ୍ୟାଳୟ ପକ୍ଷରୁ ମା ତାରିଣୀ ମନ୍ଦିର ଟ୍ରଷ୍ଟ ଓ ଉପଜିଲ୍ଲାପାଳଙ୍କୁ ଏକ ପତ୍ର ମାଧ୍ୟମରେ ସୂଚିତ କରାଯାଇଛି । ଅନ୍ୟ ଦିନମାନଙ୍କରେ ସରକାରଙ୍କ କୋରୋନା କଟକଣା ନିୟମ ଅନୁଯାୟୀ ଦର୍ଶନ ଚାଲୁ ରହିବ ବୋଲି ଏହି ପତ୍ର ମାଧ୍ୟମରେ ଜଣାଯାଇଛି ।
