ଜୁନିଅର ହକି ବିଶ୍ୱକପ : ଆର୍ଜେଣ୍ଟିନାକୁ ୨-୩ ଗୋଲରେ ହରାଇ କ୍ବାର୍ଟରରେ ଜର୍ମାନୀ
ଭୁବନେଶ୍ୱର : କଳିଙ୍ଗ ଷ୍ଟାଡିୟମରେ ଜାରି ରହିଛି ପୁରୁଷ ଜୁନିଅର ହକି ବିଶ୍ବକପ । ଗୁରୁବାର ଗ୍ରୁପ ପର୍ଯ୍ଯାୟ ମ୍ୟାଚରେ ଆର୍ଜେଣ୍ଟିନାକୁ ୨-୩ ଗୋଲରେ ମାତ୍ ଦେଇଛି ଜର୍ମାନୀ । ମ୍ୟାଚର ପ୍ରଥମ କ୍ବାର୍ଟରରେ ହିଁ ଜର୍ମାନୀ ଆର୍ଜେଣ୍ଟିନାକୁ ଏକ ଗୋଲ ଦେଇ ମ୍ୟାଚରେ ଆଗୁଆ ରହିଥିଲା ।
ମ୍ୟାଚର ପ୍ରଥମାର୍ଦ୍ଧ ପର୍ଯ୍ୟନ୍ତ ୧-୦ରେ ଆଗୁଆ ଥିଲା ଜର୍ମାନୀ । ଦେବେ ତୃତୀୟ ଓ ଚତୁର୍ଥ କ୍ବାର୍ଟରେ ଆର୍ଜେଣ୍ଟିନା ଦୁଇିଟି ଗୋଲ୍ ଦେବାରେ ସକ୍ଷମ ହୋଇଥିଲା । ସେତେବେଳକୁ ଜର୍ମାନୀ ମଧ୍ୟ ଆଉ ଦୁଇଟି ଗୋଲ୍ କରି ମ୍ୟାଚରେ ଆଗୁଆ ରହି ସାରିଥିଲା । ମ୍ୟାଚ ଶେଷ ବେଳକୁ ଆର୍ଜେଣ୍ଟିନା ଦୁଇଟି ଗୋଲ୍ ସ୍କୋର୍ କରିଥିବା ବେଳେ ଜର୍ମାନୀ ତିନୋଟି ଗୋଲ୍ ସ୍କୋର୍ କରିଥିଲା । ଗୁରୁବାର ଖେଳାଯାଇଥିବା ପୁଲ -ଡି’ର ଏହି ରୋମାଞ୍ଚକର ମ୍ୟାଚରେ ଜର୍ମାନୀ ପକ୍ଷରୁ ବେଣ୍ଡେକିଟ୍, ହେନ୍ସ ମୁଲାର ଏବଂ ମାଟିଓ ପୋଲଜାରିକ ଗୋଟିଏ ଲେଖାଏଁ ଗୋଲ୍ କରିଥିଲା । ସେପଟେ ଆର୍ଜେଣ୍ଟିନା ପକ୍ଷରୁ ଦୁଇଟି ଗୋଲ ସ୍କୋର ହୋଇଥିଲା ।
