ରାଜ୍ୟରେ ଆଉ ୪୯୦ କରୋନା ସଂକ୍ରମିତ ସୁସ୍ଥ
ଭୁବନେଶ୍ୱର : ରାଜ୍ୟରେ ଆଉ ୪୯୦ କରୋନା ସଂକ୍ରମିତ ସୁସ୍ଥ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୧୦ଲକ୍ଷ ୨୮ହଜାର ୬୯୭ରେ ପହଂଚିଛି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି।
ସ୍ୱାସ୍ଥ୍ୟ ବିଭାଗର ସୂଚନା ଅନୁସାରେ ଖୋର୍ଦ୍ଧା ଜିଲାରୁ ସର୍ବାଧିକ ୨୪୩ ଜଣ ଥିବାବେଳେ କଟକରୁ ୩୫ ଜଣ, ସୁନ୍ଦରଗଡ଼ରୁ ୧୯, ଜଗତସିଂହପୁର, ସମ୍ବଲପୁରରୁ ୧୮-୧୮, ବାଲେଶ୍ୱରରୁ ୧୨, ଢେଙ୍କାନାଳ, ଯାଜପୁର, ମୟୂରଭଂଜରୁ ୧୦ ଜଣ ଲେଖାଏଁ, ରାୟଗଡ଼ାରୁ ୯ ଓ ଗଜପତିରୁ ୮ ଜଣ, ଭଦ୍ରକ, କେନ୍ଦ୍ରାପଡ଼ା, ପୁରୀରୁ ୫ ଜଣ ଲେଖାଏଁ, ଅନୁଗୁଳ, ବରଗଡ଼ରୁ ୪-୪ ଜଣ, ଗଂଜାମ, କନ୍ଧମାଳରୁ ୩ ଜଣ ଲେଖାଏଁ, ଦେବଗଡ଼, ନୂଆପଡ଼ାରୁ ୨-୨, ବଲାଙ୍ଗୀର, କୋରାପୁଟ, ନୟାଗଡ଼, ସୁବର୍ଣ୍ଣପୁରରୁ ଜଣେ ଲେଖାଏଁ ଓ ରାଜ୍ୟପୁଲରୁ ୬୧ ଜଣ ଆକ୍ରାନ୍ତ କରୋନାରୁ ସୁସ୍ଥ ହୋଇଛନ୍ତି।
