ଟ୍ରକ୍ ଚକ୍କା ତଳେ ବାଇକ୍ ଆରୋହୀ, ଘଟଣାସ୍ଥଳରେ ମୃତ୍ୟୁ
ବାଲେଶ୍ୱର : ମର୍ମନ୍ତୁଦ ସଡ଼କ ଦୁର୍ଘଟଣା । ଘଟଣାସ୍ଥଳରେ ବାଇକ୍ ଆରୋହୀ ମୃତ । ଏଭଳି ଏକ ଦୁର୍ଘଟଣା ବାଲେଶ୍ୱର ଜିଲା ବସ୍ତା ବ୍ଲକ ଅନ୍ତର୍ଗତ ମଥାନୀ ଛକ ନିକଟରେ ଦେଖିବାକୁ ମିଳିଛି ।
ସୂଚନା ଯେ, ବାସିଚକୁରାଇ ଗ୍ରାମର ଅନନ୍ତ ପାଳ (୪୬) । ମଥାନୀ ଛକରେ ଏକ ହୋମିଓ ପ୍ୟାଥିକ୍ କ୍ଲିନିକ୍ ରହିଛି । ସେଠାରୁ ସେ କାରଣ ବଶତଃ ବାଇକ୍ (ନଂ. ଓଡ଼ି୦୧ଇ-୮୯୨୬) ଯୋଗେ ବାଲେଶ୍ୱର ଯାଉଥିଲେ । ମାତ୍ର ମଥାନୀ ଛକ ନିକଟରେ ଏକ ଟ୍ରକ୍ ସହ ଧକ୍କା ହୋଇଥିଲା । ଦୁର୍ଘଟଣାରେ ତାଙ୍କ ବାଇକ୍ଟି ଛିଟିକି ଯାଇଥିବା ବେଳେ ଅନନ୍ତ ଟ୍ରକ୍ ଚକା ତଳେ ଆସିଯାଇଥିଲେ । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଖବରପାଇ ବସ୍ତା ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବସ୍ତା ଡାକ୍ତରଖାନାକୁ ପଠାଇଛି । ସେହିପରି ଟ୍ରକ୍ଟିକୁ ଜବତ କରିବା ସହ ଡ୍ରାଇଭରକୁ ଅଟକ ରଖିଛି ପୋଲିସ ।
