କାନଡା ପ୍ରଧାନମନ୍ତ୍ରୀଙ୍କୁ ଅଭିନନ୍ଦନ ଜଣାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ
ନୂଆଦିଲ୍ଲୀ : କାନଡାରେ କରୋନାଭାଇରସ୍ ମହାମାରୀ ମଧ୍ୟରେ ଅନୁଷ୍ଠିତ ନିର୍ବାଚନରେ ବିଜୟୀ ହୋଇଥିବାରୁ କାନଡା ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡ୍ୟୁଙ୍କୁ ବୁଧବାର ଅଭିନନ୍ଦନ ଜଣାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଏଠିସହ ଭାରତ-କାନାଡା ସମ୍ପର୍କ ଆହୁରି ନିବିଡ଼ ହେବ ବୋଲି ଆଶା କରୁଥିବା ପ୍ରଧାନମନ୍ତ୍ରୀ କହିଛନ୍ତି।
ଟୁଇଟ୍ କରି ପ୍ରଧାନମନ୍ତ୍ରୀ ମୋଦୀ ଲେଖିଛନ୍ତି, ନିର୍ବାଚନରେ ବିଜୟଲାଭ କରିଥିବାରୁ ଆପଣଙ୍କୁ ଅଭିନନ୍ଦନ ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡ୍ୟୁ! ଭାରତ-କାନଡା ସମ୍ପର୍କକୁ ଆହୁରି ନିବିଡ଼ ତଥା ବୈଶ୍ବିକ ଓ ବହୁପାକ୍ଷିକ ସମସ୍ୟାରେ ଆମର ସହଯୋଗ ଦିଗରେ କାର୍ଯ୍ୟ ଜାରି ରହିବ ବୋଲି ମୁଁ ଆଶା କରୁଛି। ଏହାକୁ ମିଶାଇ କ୍ୟୁବେକ୍ର ପାପିନ୍ୟୁ ନିର୍ବାଚନ ମଣ୍ଡଳୀରୁ ଜୟଯୁକ୍ତ ହୋଇଥିବା ‘ଲିବେରାଲ୍ ପାର୍ଟି’ର ୪୯ ବର୍ଷିୟ ଜଷ୍ଟିନ୍ ଟ୍ରୁଡ୍ୟୁ ୬ ବର୍ଷରୁ କମ୍ ସମୟ ମଧ୍ୟରେ ତୃତୀୟ ଥର ଲାଗି କାନଡାର ପ୍ରଧାନମନ୍ତ୍ରୀ ଭାବେ କ୍ଷମତାସୀନ ହୋଇଛନ୍ତି। ଏଥିରେ ‘ଲିବେରାଲ୍ପାର୍ଟି’ ସମୁଦାୟ ୧୮୪ଟି ଆସନରେ ବିଜୟୀ ହୋଇ ସଂଖ୍ୟାଗରିଷ୍ଠତା ହାସଲ କରିଛି।
