ବନ୍ୟାଞ୍ଚଳ ପରିଦର୍ଶନ କରି ଲୋକଙ୍କୁ ଉଦ୍ଧାର ସହ ଶୁଖିଲା ଖାଦ୍ୟ ବଣ୍ଟନ ଉପରେ ଗୁରୁତ୍ୱାରୋପ କଲେ ବିଧାୟକ

ବାଲେଶ୍ୱର : ରାଜ୍ୟରେ ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ବିଭିନ୍ନ ନଦୀରେ ବନ୍ୟା ଦେଖା ଦେଇଛି । ଏହି ପରିପ୍ରେକ୍ଷୀରେ ବାଲେଶ୍ୱର ଜିଲାରେ ମଧ୍ୟ ବନ୍ୟା ପରିସ୍ଥିତି ଉପୁଜିଛି । ଜିଲାରେ ପ୍ରବାହିତ ବୁଢାବଳଙ୍ଗ ନଦୀରେ ବନ୍ୟା ସୃଷ୍ଟି ହୋଇଥିବାରୁ ବାଲେଶ୍ୱର ସହରର ତଳିଆ ଅଞ୍ଚଳ ଜଳମଗ୍ନ ହୋଇଛି ।

ତଳିଆ ଅଞ୍ଚଳର ଗଳାପୋଲ, ଚୂନଭାଟୀ, ଅରଡ଼ବଜାର ଏବଂ ତଳସାହି ଅଞ୍ଚଳ ବନ୍ୟା ଜଳରେ ସମ୍ପୂର୍ଣ ଜଳମଗ୍ନ ହୋଇ ଥିବାରୁ ଅନେକ ଲୋକେ ଘରେ ଜଳବନ୍ଦୀ ଭାବେ ରହିଛନ୍ତି । ଗୁରୁବାର ବାଲେଶ୍ୱର ବିଧାୟକ ସ୍ୱରୂପ କୁମାର ଦାସ ଖବର ପାଇ ଉକ୍ତ ଅଂଚଳ ଗୁଡିକ ପରିଦର୍ଶନ କରିଥିଲେ । ସେଠାରେ ଉପସ୍ଥିତ ରହି ଉଦ୍ଧାରକାରୀ ଦଳ ଏନଡ଼ିଆରଏଫ ମାଧ୍ୟମରେ ବିପନ୍ନ ଲୋକଙ୍କୁ ଉଦ୍ଧାର କରିବା ସହ ଶୁଖିଲା ଖାଦ୍ୟ ପହଞ୍ଚାଉଛନ୍ତି l ଅନ୍ୟମାନଙ୍କ ମଧ୍ୟରେ ପୂର୍ବତନ ୱାର୍ଡ କାଉଁସିଲର ଜୟ ପ୍ରକାଶ ଦାସ, ଚିତ୍ତରଞ୍ଜନ ସାହୁ, ସୂର୍ଯ୍ୟକାନ୍ତ କର ଉପସ୍ଥିତ ରହି ଲୋକଙ୍କୁ ଆଶ୍ୱାସନା ଦେବା ସହ ରହିବା ଖାଇବାର ବ୍ୟବସ୍ଥା ବୁଝୁଛନ୍ତି l