ବାଲେଶ୍ୱର : ଅଜଣା ଯୁବକର ଝୁଲନ୍ତା ମୃତଦେହ ଉଦ୍ଧାର
ବାଲେଶ୍ୱର : ଅଜଣା ଯୁବକର ମୃତ ଦେହ ଉଦ୍ଧାର । ବାଲେଶ୍ୱର ସହରର ଷ୍ଟେସନଛକ ନିକଟସ୍ଥ ରିଲାଏନ୍ସ ସ୍ମାର୍ଟ (ମଲ୍) ପାର୍ଶ୍ୱ ଗେଟରେ ଝୁଲୁଛି ଜଣେ ଯୁବକର ଝୁଲନ୍ତା ମୃତ ଦେହ ଦେଖିବାକୁ ମିଳିଥିଲା । ଏନେଇ ସ୍ଥାନୀୟ ଲୋକେ ସହଦେବଖୁଣ୍ଟା ମଡେଲ ଥାନାକୁ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହ ଜବତ କରି ବ୍ୟବଛେଦ ପାଇଁ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛି । ତେବେ ଏହା ଏକ ଆତ୍ମହତ୍ୟା ନା ହତ୍ୟା ଘଟଣା ତାହା ଜଣାପଡିନ ଥିବାବେଳେ ପୋଲିସ ତଦନ୍ତ ଆରମ୍ଭ କରିଛି ।
ସୂଚନା ଯେ, ଶନିବାର ସକାଳେ ଷ୍ଟେସନ ନିକଟରେ ଥିବା ରିଲାଏନ୍ସ ମଲ୍ ପାର୍ଶ୍ୱରେ ଥିବା ଗେଟରେ ଜଣେ ଅଜଣା ଯୁବକର ମୃତ ଦେହ ଝୁଲୁଥିବା ଦେଖିବାକୁ ମିଳିଥିଲା । ଖବର ପାଇ ସହଦେବଖୁଣ୍ଟା ପୋଲିସ ସକାଳ ପ୍ରାୟ ୮ଟା ୩୦ମିନିଟ ସମୟରେ ଘଟଣାସ୍ଥଳରେ ପହଞ୍ଚିଥିଲା। ଏହା ହତ୍ୟା ନା ଆତ୍ମହତ୍ୟା ଘଟଣା ସେ ନେଇ ପୋଲିସ ତଦନ୍ତ କରୁଛି । ମୃତକଙ୍କ ସଠିକ୍ ପରିଚୟ ମିଳି ପରିନାହିଁ । ତାଙ୍କ ସାର୍ଟରେ ତାଙ୍କ ବେକରେ ଫାଶି ଲଗାଯାଇଥିବା ଦେଖିବାକୁ ମିଳିଥିଲା । ତେବେ ଯୁବକଙ୍କ ମୃତ୍ୟୁ କେମିତି ଘଟିଛି ତାହା ଜଣାପଡିନାହିଁ । ତେବେ ରିଲାଏନ୍ସ ମଲ କିମ୍ବା ଆଖପାଖରେ ଥୁବା ସିସି ଟିଭି ଫୁଟେଜ୍ ଯାଞ୍ଚ କଲେ ମୃତ୍ୟୁ କେମିତି ହେଲା ତାହା ଜଣାପଡିବ ।
