ରାଜୌରୀରେ ଟ୍ରେନିଂ କ୍ୟାମ୍ପ ନିକଟରୁ ମିଳିଲା ଜୀବନ୍ତ ବୋମା
ରାଜୌରୀ : ରାଜୌରୀ ଜିଲ୍ଲା ସ୍ଥିତ ସେନାର ଟ୍ରେନିଂ କ୍ୟାମ୍ପ ନିକଟରୁ ବୁଧବାର ଏକ ଜୀବନ୍ତ ବୋମା ମିଳିଛି । ଏହି ଖବର ପ୍ରଚାରିତ ହେବା ପରେ କ୍ୟାମ୍ପରେ ଭାଗଦୌଡ ଦେଖିବାକୁ ମିଳିଥିଲା । ତୁରନ୍ତ ସେନାକୁ ଖବର ଦିଆଯାଇଥିଲା । ଏହା ପରେ ବୋମା ନିଷ୍କ୍ରିୟକାରୀ ଦଳ ଘଟଣାସ୍ଥଳରେ ପହଂଚି ଏହାକୁ ନିଷ୍କ୍ରିୟ କରିଥିଲେ ।
ସୂଚନା ଅନୁଯାୟୀ, ବୁଧବାର ସକାଳେ ରାଜୌରୀ ଜିଲ୍ଲାର ନିୟନ୍ତ୍ରଣ ରେଖା ନିକଟ ସରୋଲ ଗ୍ରାମରେ ଜୀବନ୍ତ ବୋମା ଦେଖିବାକୁ ମିଳିଥିଲା । ଏହି ଖବର ପ୍ରଚାରିତ ହେବା ପରେ ଗ୍ରାମବାସୀ ଆତଙ୍କିତ ହୋଇପଡିଥିଲେ । ଲୋକେ ତୁରନ୍ତ ଏନେଇ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଂଚି ପ୍ରଥମେ ଆଖପାଖ ଅଂଚଳରୁ ଲୋକଙ୍କୁ ଖାଲି କରିଥିଲା । ପରେ ସେନାର ବୋମା ନିଷ୍କ୍ରିୟକାରୀ ଦଳ ସେଠାରେ ପହଂଚି ଏହି ବୋମାକୁ ନିଷ୍କ୍ରିୟ କରିଥିଲେ ।
