ବାଲେଶ୍ୱର : ଟ୍ରକ ଜବତ, ୨୯ଗୋରୁ ଉଦ୍ଧାର
ବାଲେଶ୍ୱର : ବାଲେଶ୍ୱର ଜିଲାରେ ବ୍ୟାପକ ଚୋରା ଚାଲାଣ ବୃଦ୍ଧି ପାଉଛି । ବିଶେଷ କରି ବ୍ରାଉନ୍ସୁଗାର ଠାରୁ ଆରମ୍ଭ କରି ଗଞ୍ଜେଇ, ଦେଶୀ ଓ ବିଦେଶୀ ମଦ ସହ ଗୋରୁ ଚାଲାଣ ଦିନକୁ ଦିନ ବଢ଼ିବାରେ ଲାଗିଛି । ଏହି ପରିପ୍ରେକ୍ଷୀରେ ସିମୁଳିଆ ଥାନା ଠାରୁ ୫କିମି ଦୂର ଜାତୀୟ ରାଜପଥରୁ ପୋଲିସ ଏକ ଗୋରୁ ବୋଝେଇ ଟ୍ରକ (ନଂ. ଓଆର୍୦୯ଏଚ୍-୭୦୮୫)କୁ ଜବତ କରିଛି । ଏଥିରେ ଥିବା ୨୯ଟି ଗୋରୁଙ୍କୁ ଉଦ୍ଧାର କରାଯାଇ ସ୍ଥାନୀୟ ରୁଦ୍ରାଶ୍ରମ ଗୋଶାଳାକୁ ହସ୍ତାନ୍ତର କରାଯାଇଛି ।
ସୂଚନା ଯେ, ଉକ୍ତ ଗୋରୁ ବୋଝେଇ ଟ୍ରକ୍ଟି ଭଦ୍ରକରୁ ବାଲେଶ୍ୱର ଅଭିମୂଖେ ଯାଉଥିଲା । ତେବେ ମଇତାପୁର ନିକଟରେ ପୋଲିସ ତଦନ୍ତ କରୁଥିବା ବେଳେ ଗୋରୁ ବୋଝେଇ ଗାଡ଼ି ଜବତ ହୋଇଥିଲା । ତେବେ ଘଟଣାସ୍ଥଳରୁ ଟ୍ରକ ଚାଳକ ଓ ହେଲପର ଫେରାର ହୋଇଯାଇଥିବାର ଜଣାପଡ଼ିଛି ।
