ଘର ଭିତରୁ ଯୁବକଙ୍କ ମୃତଦେହ ଠାବ, ଆତ୍ମହତ୍ୟା ସନ୍ଦେହ
ରାଇରଙ୍ଗପୁର : ରାଇରଙ୍ଗପୁର ଟାଉନ୍ ଥାନା ବିକାଶ ନଗର ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି । ଶନିବାର ବିକାଶ ନଗରର ଏକ ଘର ଭିତରୁ ଜଣେ ଯୁବକଙ୍କ ମୃତଦେହ ଠାବ ହୋଇଛି । ମୃତକଙ୍କ ନାମ ଭବାନୀ ଶଙ୍କର ଦାସ ବୋଲି ଜଣାପଡିଛି । ମୃତ୍ୟୁର କାରଣ ଜଣାପଡିନଥିବା ବେଳେ ଯୁବକ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି ।
ସୂଚନା ଯେ, ମୃତ ଯୁବକଙ୍କ ନାଁରେ ଅନେକ ଗୁଡିଏ ଅପରାଧିକ ମାମଲା ରହିଛି । ଏପରିକି ବିଭିନ୍ନ ମାମଲାରେ ମଧ୍ୟ ତାଙ୍କୁ ଜାମିନ ମିଳିଥିଲା । ସେହିପରି ମୃତ ଯୁବକଙ୍କ ପିତା ଜଣେ ଅବସରାପ୍ରାପ୍ତ ଟେଲିକମ୍ ଏସଡିଓଙ୍କ ପୁତ୍ର । ପୁଅର ଅସମାଜିକ କାର୍ଯ୍ୟକଳାପକୁ ନେଇ ଜିଲ୍ଲା ବାହାରେ ରହିଆସୁଛନ୍ତି ବାପା ଓ ମା । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛନ୍ତି । ପୋଲିସ ଏକ ଅପମୃତ୍ୟୁ ମାମଲା ମଧ୍ୟ ଦାୟର କରିଛି ।
