ଆଇପିଏଲ୍ ୨୦୨୪ : ଆଜି ରାଜସ୍ଥାନ-ଲକ୍ଷ୍ମୌ ଏବଂ ଗୁଜୁରାଟ-ମୁମ୍ବାଇ ମୁକାବିଲା
ନୂଆଦିଲ୍ଲୀ : ଇଣ୍ଡିଆନ୍ ପ୍ରିମିୟର ଲିଗ (ଆଇପିଏଲ୍) ୨୦୨୪ରେ ଆଜି ମଧ୍ୟ ଖେଳାଯିବ ଦୁଇଟି ମ୍ୟାଚ୍ । ଗୋଟିଏ ମ୍ୟାଚ୍ ଅପରାହ୍ନ ୪ଟାରେ ରାଜସ୍ଥାନ ରୟାଲ୍ସ-ଲକ୍ଷ୍ମୌ ସୁପର ଜାଏଣ୍ଟସ ମଧ୍ୟରେ ଏବଂ ଅନ୍ୟଟି ରାତି ୮ଟାରେ ଗୁଜୁରାଟ ଟାଇଟନ୍ସ-ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଅନୁଷ୍ଠିତ ହେବ ।
ରବିବାର ଅପରାହ୍ନ ୪ଟାରେ ଖେଳାଯିବାକୁ ଥିବା ବେଳେ ମୁହାଁମୁହିଁ ହେବେ ରାଜସ୍ଥାନ ରୟାଲ୍ସ ଏବଂ ଲକ୍ଷ୍ମୌ ସୁପର ଜାଏଣ୍ଟସ । ରାଜସ୍ଥାନ ଜୟପୁରର ସଓ୍ୱାଇ ମାନ୍ସିଂହ ଷ୍ଟାଡିୟମ୍ରେ ଖେଳାଯିବ ଆଇପିଏଲ୍ ୪ର୍ଥ ମ୍ୟାଚ୍ । ଉଭୟ ଟିମ୍ର ଭରପୁର ଷ୍ଟାର କ୍ରିକେଟର ରହିଛନ୍ତି । ତେଣୁ ଆଜିର ମ୍ୟାଚ୍ରେ ଲଢେଇ ଜୋରଦାର ହେବ ବୋଲି ଆଶା କରାଯାଉଛି । ବର୍ତ୍ତମାନ ଯାଏଁ ଉଭୟଙ୍କ ମଧ୍ୟରେ ୩ଟି ମୁକାବିଲା ଖେଳାଯାଇଥିବା ବେଳେ ଦୁଇଟି ମ୍ୟାଚ୍ରେ ରାଜସ୍ଥାନ ରୟାଲସ ବିଜୟୀ ହୋଇଥିବା ବେଳେ ଲକ୍ଷ୍ମୌ ସୁପର ଜାଏଣ୍ଟସ ଗୋଟିଏର ବିଜୟୀ ହୋଇଛି ।
ସେହିପରି ରାତି ୮ଟାରେ ମୁହାଁମୁହିଁ ହେବେ ଗୁଜୁରାଟ ଟାଇଟନ୍ସ ଏବଂ ମୁମ୍ବାଇ ଇଣ୍ଡିଆନ୍ସ । ଗୁଜୁରାଟର ଅହମ୍ମଦାବାଦ ସ୍ଥିତ ନରେନ୍ଦ୍ର ମୋଦି ଷ୍ଟାଡିୟମ୍ରେ ଖେଳାଯିବ ଆଇପିଏଲ୍ର ୫ମ ମ୍ୟାଚ୍ । ପୂର୍ବ ବର୍ଷ ଗୁଜୁରାଟ ଟାଇଟନ୍ସର ଅଧିନାୟକ ଥିବା ହାର୍ଦ୍ଦିକ ପାଣ୍ଡ୍ୟ ଚଳିତ ବର୍ଷ ମୁମ୍ବାଇ ଇଣ୍ଡିଆନ୍ସର ନେତୃତ୍ୱ ନେବେ । ତେଣୁ ଏହି ମୁକାବିଲା ପାଇଁ ଫ୍ୟାନ୍ସଙ୍କ ମନରେ ଉତ୍କଣ୍ଠା ରହିଛି । ଉଭୟ ଟିମ୍ର ଜବରଦସ୍ତ କ୍ରିକେଟର ରହିଛନ୍ତି । ତେଣୁ ହାଇଭୋଲଟେଜ୍ ମ୍ୟାଚ୍ ହେବା ଆଶା ରହିଛି । ତେବେ ବର୍ତ୍ତମାନ ଯାଏଁ ଉଭୟଙ୍କ ମଧ୍ୟରେ ୪ଟି ମ୍ୟାଚ୍ ଖେଳାଯାଇଥିବା ବେଳେ ଉଭୟ ଟିମ୍ ୨ଟି ଲେଖାଏଁ ମୁକାବିଲାରେ ବିଜୟୀ ହୋଇଛନ୍ତି ।
