ଯୁକ୍ତ୨ କଲେଜରେ ନିଯୁକ୍ତ ହେବେ ୧ହଜାର୬୧ ସ୍ନାତକୋତ୍ତର ଶିକ୍ଷକ, ଆଜିଠୁ ଆବେଦନ
ଭୁବନେଶ୍ୱର: ଖୁବଶୀଘ୍ର ଯୁକ୍ତ୨ କଲେଜରେ ନିଯୁକ୍ତ ହେବେ ୧ହଜାର ୬୧ ସ୍ନାତକୋତ୍ତର ଶିକ୍ଷକ । ଏଥିପାଇଁ ଆଜିଠୁ ଆରମ୍ଭ ହେଉଛି ଆବେଦନ। ଇଚ୍ଛୁକ ପାର୍ଥୀମାନେ ଏସଏସବି (SSB)ର ୱେବସାଇଟରେ ଅନଲାଇନ ମାଧ୍ୟମରେ ଆବେଦନ କରିପାରିବେ।
ଆଜି ଅପରାହ୍ନ ଗୋଟାଏରୁ ଏପ୍ରିଲ ୧୮ ତାରିଖ ପର୍ଯ୍ୟନ୍ତ ଆବେଦନ କରିବାର ସୁଯୋଗ ରହିଛି। ବିଦ୍ୟାଳୟ ଓ ଗଣଶିକ୍ଷା ବିଭାଗ ଅଧୀନରେ ପରିଚାଳିତ ପୂର୍ଣ୍ଣ ଅନୁଦାନପ୍ରାପ୍ତ ୪୮୮ ବର୍ଗ (୨) ଉଚ୍ଚ ମାଧ୍ୟମିକ ବିଦ୍ୟାଳୟଗୁଡିକରେ ଏହି ପିଜିଟି ଶିକ୍ଷକ ନିଯୁକ୍ତ ହେବେ । ୨୩ ଗୋଟି ବିଭିନ୍ନ ବିଷୟରେ ୧ ହଜାର ୬୧ ଟି ସ୍ନାତକୋତ୍ତର ଶିକ୍ଷକ ପଦବୀ ପୂରଣ ନିମନ୍ତେ ନିଯୁକ୍ତି ପରୀକ୍ଷା ଅନୁଷ୍ଠିତ ହେବ ।
