୨ବାଇକ୍ ମଧ୍ୟରେ ମୁହାଁମୁହିଁ ଧକ୍କା : ଆଖି ବୁଜିଲେ ଶାଶୂ, ଶ୍ବଶୁର ଓ ଜ୍ବାଇଁ
କେନ୍ଦୁଝର : କେନ୍ଦୁଝର ଜିଲା ଆନନ୍ଦପୁର-କରଞ୍ଜିଆ ରାସ୍ତାର ପଦ୍ମପୁର ଗେଟ୍ ଛକ ନିକଟରେ ମର୍ମନ୍ତୁଦ ଦୁର୍ଘଟଣା । ୨ବାଇକ୍ ମଧ୍ୟରେ ମୁହାଁମୁହିଁ ଧକ୍କା। ଚାଲିଗଲା ୩ ଜୀବନ। ଆଖି ବୁଜିଲେ ଶାଶୂ, ଶ୍ବଶୁର ଓ ଜ୍ବାଇଁ । ମୃତକ ମାନେ ହେଲେ ଘଷିପୁରା ଥାନା କଲାବିଲା ଗାଁର ସହଦେବ ବେହେରା, ତାଙ୍କ ପତ୍ନୀ ଚାନ୍ଦିନୀ ବେହେରା ଓ ଜ୍ବାଇଁ ଅଭିରାମ ବେହେରା ।
ମୟୁରଭଞ୍ଜ ଜିଲା କରଞ୍ଜିଆ ଥାନା ବାଟପଳାସା ଗାଁ ରେ ଅଭିରାମଙ୍କ ଘର । ଉଭୟ ଶାଶୁ ଶ୍ୱଶୁର ଜ୍ୱାଇଁଙ୍କ ଘରକୁ ଯାଉଥିବା ବେଳେ ଦୁର୍ଘଟଣା ଘଟିଥିଲା । ତେବେ ଦୁର୍ଘଟଣା ପରେ ଅନ୍ୟ ବାଇକ ସହ ଚାଳକ ଫେରାର ହୋଇଯାଇଛନ୍ତି । ଆନନ୍ଦପୁର ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।
