୪ ଡକାୟତ ଗିରଫ, ବିଭିନ୍ନ ସାମଗ୍ରୀ ଜବତ
କରଞ୍ଜିଆ : ଡକାୟତି ଯୋଜନା ପଣ୍ଡ । ଲୁଟ୍ ପାଇଁ ଯୋଜନା କରୁଥିବା ସମୟରେ ୪ ଅଭିଯୁକ୍ତଙ୍କୁ ବାନ୍ଧିଲା ମୟୁରଭଞ୍ଜ ଜିଲା କରଞ୍ଜିଆ ପୋଲିସ । ଗିରଫ ଅଭିଯୁକ୍ତଙ୍କ ନିକଟରୁ ବିଭିନ୍ନ ସାମଗ୍ରୀ ଜବତ ।
ସୂଚନା ଯେ, ଗତ ଶନିବାର ବିଳମ୍ବିତ ରାତିରେ କରଞ୍ଜିଆ ବାମନାଶାଳ ନିକଟ ଜଙ୍ଗଲରେ ୪ ଡକାୟତ ଡକାୟତି ପାଇଁ ଯୋଜନା କରୁଥିଲେ । ଏହି ସମୟରେ କରଞ୍ଜିଆ ପୋଲିସ୍ ଖବର ପାଇ ସେମାନଙ୍କୁ କାବୁ କରି ନେଇଥିଲା । ଗିରଫ ୪ ଅଭିଯୁକ୍ତଙ୍କ ଠାରୁ ଗୋଟିଏ ବାଇକ୍, ଦୁଇଟି ମୋବାଇଲ୍, ଗୋଟିଏ ଖଣ୍ଡା, ଗୋଟିଏ କଟୁରୀ ଓ ଗୋଟିଏ ଖେଳନା ବନ୍ଧୁକ ସହ ଏକ ଲୁହା ରଡ ଜବତ କରିବା ସହ ପୋଲିସ ଅଧିକ ତଦନ୍ତ ଜାରି ରଖିଛି ।
