ଲେହରେ ପ୍ରତିରକ୍ଷାମନ୍ତ୍ରୀ ରାଜନାଥ ସିଂ : ପୂର୍ବତନ ସେନାକର୍ମୀଙ୍କ ଯତ୍ନ ନେବା ଆମ ଦାୟିତ୍ୱ
ଜମ୍ମୁ : ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ସେନା ମୁଖ୍ୟ ଜେନେରାଲ ଏମ.ଏମ ନାରବଣେ ରବିବାର ସକାଳେ ଲେହରେ ପହଂଚିଥିଲେ । ଏହି ସମୟରେ ସେ କହିଛନ୍ତି ଯେ, ଆମ ସୈନ୍ୟବାହିନୀର ସୈନିକ ତଥା ପୂର୍ବତନ ସୈନିକଙ୍କ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର କେତେ ସମ୍ମାନ ରହିଛି ତାହା କହିବାର କୌଣସି ଆବଶ୍ୟକତା ନାହିଁ । ସେ କହିଛନ୍ତି ଯେ, ୱାନ୍ ରେଙ୍କ ୱାନ ପେନସନର ସମସ୍ୟା ୩୦-୪୦ ବର୍ଷ ଧରି ଚାଲି ଆସୁଥିଲା, ଯାହା ପ୍ରଧାନମନ୍ତ୍ରୀ ହେବା ମାତ୍ରେ ନରେନ୍ଦ୍ର ମୋଦୀ ପୂରଣ କରିଥିଲେ । ଏହି ସମୟରେ ପ୍ରତିରକ୍ଷା ମନ୍ତ୍ରୀ ଏହା ମଧ୍ୟ କହିଛନ୍ତି ଯେ, ସେବା ପରେ ପୁନଃ ଥଇଥାନ ସମସ୍ୟା ମଧ୍ୟ ଜାରି ରହିଛି । ପୁନଃ ଥଇଥାନ ସମସ୍ୟାର ସମାଧାନ ପାଇଁ ନିର୍ଦ୍ଦେଶାଳୟ ଜେନେରାଲ ଦ୍ୱାରା ନିଯୁକ୍ତି ମେଳା ମଧ୍ୟ ଆୟୋଜିତ ହୋଇଛି ଯେଉଁଥିରେ ବହୁ ସଂଖ୍ୟାରେ ପୂର୍ବତନ ସେବାୟତଙ୍କୁ ନିଯୁକ୍ତି ଦିଆଯାଉଛି । ଏହାକୁ ଆହୁରି ତ୍ୱରାନ୍ୱିତ କରିବାକୁ ବର୍ତମାନ ପ୍ରୟାସ କରାଯାଉଛି । ସେ କହିଛନ୍ତି ଯେ ଆମର ଲକ୍ଷ୍ୟ ହେଉଛି ଯେ ଆପଣ ସମସ୍ତେ ଦେଶର ସୁରକ୍ଷା ପ୍ରତି ଯତ୍ନବାନ ହେବା ଭଳି ସୈନିକ ମାନଙ୍କର ଯତ୍ନ ନେଉଛୁ ।
ତାଙ୍କର ତିନି ଦିନିଆ ଗସ୍ତ ସମୟରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ସୈନିକ ମାନଙ୍କ ସହ କଥାବାର୍ତା କରିବେ ଏବଂ ସୀମା ସଡ଼କ ସଂଗଠନ ଦ୍ୱାରା ନିର୍ମିତ ଅନେକ ଭିତିଭୂମି ପ୍ରକଳ୍ପର ଉଦ୍ଘାଟନୀ ସମାରୋହରେ ମଧ୍ୟ ଅଂଶଗ୍ରହଣ କରିବେ । ପ୍ରତିରକ୍ଷା ମନ୍ତ୍ରୀ ପୂର୍ବ ଲଦାଖରେ ଉଚ୍ଚ ଉଚତାରେ ଅବସ୍ଥିତ ସାମରିକ ବେସ ଏବଂ ଗଠନ ଗୁଡ଼ିକର ଷ୍ଟକ ନେଇ ଗ୍ରାଉଣ୍ଡ ସ୍ଥିତିରେ ଆକଳନ କରିବେ ଏବଂ ପ୍ରକୃତ ନିୟନ୍ତ୍ରଣ ଲାଇନରେ ନିୟୋଜିତ ସୈନିକ ମାନଙ୍କ ମନୋବଳ ବୃଦ୍ଧି କରିବେ । ପାଙ୍ଗୋଗ ହ୍ରଦ ନିକଟରୁ ଭାରତୀୟ ଏବଂ ଚୀନ୍ ସୈନ୍ୟ ଟ୍ୟାଙ୍କ ଏବଂ ଅନ୍ୟାନ୍ୟ ଯନ୍ତ୍ରପାତି ପ୍ରତ୍ୟାହାର କରିବା ପରେ ରାଜନାଥ ସିଂଙ୍କର ଏହା ପ୍ରଥମ ଲଦାଖ ଗସ୍ତ ।
ପୂର୍ବତନ ସେନା କର୍ମଚାରୀମାନେ ଯେଭଳି ଦେଶର ସୁରକ୍ଷା ପ୍ରତି ଯତ୍ନବାନ ଥିଲେ, ସେହିଭଳି କେନ୍ଦ୍ରର ଲକ୍ଷ୍ୟ ହେଉଛି ସେମାନଙ୍କର ଯତ୍ନ ନେବା ବୋଲି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଛନ୍ତି। ସେ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ‘ୱାନ୍ ରାଙ୍କ୍ ୱାନ୍ ପେନସନ’ ପ୍ରଦାନ କରି ସଶସ୍ତ୍ର ବାହିନୀର କର୍ମଚାରୀମାନଙ୍କୁ ଦିଆଯାଇଥିବା ପ୍ରତିଶ୍ରୁତି ପାଳନ କରିଛନ୍ତି। ରବିବାର ଲେହରେ ୩୦୦ ଅବସରପ୍ରାପ୍ତ ସେନାଙ୍କୁ ସମ୍ବୋଧିତ କରିବା ବେଳେ ପ୍ରତିରକ୍ଷା ମନ୍ତ୍ରୀ ଏହା କହିଛନ୍ତି। ମନ୍ତ୍ରୀ ଶ୍ରୀ ସିଂହ ରବିବାର ଦିନ ତିନି ଦିନିଆ ଗସ୍ତରେ ଯାଇ ହିଁଟରଲ୍ୟାଣ୍ଡ ତଥା କେନ୍ଦ୍ରଶାସିତ ଅଂଚଳ ସୀମାରେ ଥିବା ସୁରକ୍ଷା ପରିସ୍ଥିତି ସମୀକ୍ଷା କରିଛନ୍ତି। ଶ୍ରୀ ସିଂ କହିଛନ୍ତି ଯେ ଭାରତୀୟ ରାଜନୀତିରେ ଏକ ସଙ୍କଟ ଦେଖାଦେଇଛି କାରଣ ନେତାଙ୍କ ଶବ୍ଦ ଓ କାର୍ଯ୍ୟରେ ବହୁତ ପାର୍ଥକ୍ୟ ଅଛି। ସେ କହିଛନ୍ତି, କିଛି ସମସ୍ୟା ଅଛି ଯେଉଁଥି ପାଇଁ ସରକାର ଯାହା କରିବାକୁ ଚାହୁଁଛନ୍ତି ତାହା କରିପାରୁ ନାହାନ୍ତି। କିନ୍ତୁ ଏହାର ଅର୍ଥ ନୁହେଁ ଯେ ସରକାର ଏହା କରିବାକୁ ଚାହୁଁନାହାନ୍ତି। ଶ୍ରୀ ସିଂହ କହିଛନ୍ତି, ‘ଯେହେତୁ ମୁଁ ପ୍ରତିରକ୍ଷା ମନ୍ତ୍ରଣାଳୟର ଦାୟିତ୍ୱ ଗ୍ରହଣ କରିଛି, ତେଣୁ ମୁଁ ଆମର ଅବସରପ୍ରାପ୍ତ ସେନା କର୍ମଚାରୀମାନଙ୍କୁ ଅନେକ ଥର ଭେଟିଛି। ଏହି ବୈଠକଗୁଡିକ ଅନେକ ଘଣ୍ଟା ଧରି ଚାଲିଥାଏ। ଆମର ଉଦ୍ଦେଶ୍ୟ ହେଉଛି ତୁମେ ସମସ୍ତେ ସମାନ ଢଙ୍ଗରେ ଯତ୍ନ ପାଇବା ଉଚିତ୍ ଯେପରି ତୁମେ ସମସ୍ତେ ଆମ ଦେଶର ସୁରକ୍ଷା ପାଇଁ ଯତ୍ନବାନ ହୋଇଛ। ଏହା ସତ୍ତ୍ୱେ ଯଦି ଆପଣଙ୍କର କୌଣସି ଅସୁବିଧା ଅଛି, ସେଥିପାଇଁ ଏକ ହେଲ୍ପଲାଇନ ମଧ୍ୟ ବ୍ୟବସ୍ଥା କରାଯାଇଛି ଏବଂ ତୁମେ ତୁମର ସମସ୍ୟା ଜଣାଇ ପାରିବ ବୋଲି ପ୍ରତିରକ୍ଷା ମନ୍ତ୍ରୀ କହିଛନ୍ତି। ରାଜନାଥ କହିଛନ୍ତି ଯେ ଦେଶ ପ୍ରତି ଆମର ସୈନିକଙ୍କ ଉତ୍ସର୍ଗ ଏକ ଉଦାହରଣ ଅଟେ। ଜାତିର ସେବା ନିମନ୍ତେ ସେ ସମସ୍ତଙ୍କୁ ହୃଦୟରୁ କୃତଜ୍ଞତା ଜଣାଇଛନ୍ତି।
