କେବଳ ଇ-କେୱାଇସି ନୁହେଁ ଏହି କାମ ନକରିଥିଲେ ମିଳିବନି ପ୍ରଧାନମନ୍ତ୍ରୀ କିଷାନ ସମ୍ମାନ ନିଧିର ୧୪ ତମ କିସ୍ତି
ନୂଆଦିଲ୍ଲୀ : ଯଦି ଆପଣ ପ୍ରଧାନମନ୍ତ୍ରୀ କିଷାନ ସମ୍ମାନ ନିଧିର ୧୪ ତମ କିସ୍ତିର ଟଙ୍କା ପାଇବାକୁ ଇଚ୍ଛୁକ ଏବଂ ଏହି ଟଙ୍କା ଆପଣଙ୍କ ଆକାଉଣ୍ଟରେ ଆସିବା ଜରୁରୀ, ତେବେ ଆପଣଙ୍କୁ ଶୀଘ୍ର କିଛି କାମ ଶେଷ କରିବା ଉଚିତ୍ । ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା ଦେଶର କୃଷକମାନଙ୍କୁ ଆର୍ଥିକ ସହାୟତା ଯୋଗାଇଥାଏ । ଏହି ଯୋଜନା ଅଧୀନରେ ବାର୍ଷିକ ୬ ହଜାର ଟଙ୍କା ଚାଷୀଙ୍କ ଆକାଉଣ୍ଟକୁ ଦିଆଯାଏ । ଏହି ରାଶି ୨ ହଜାର ଟଙ୍କା ହୋଇ ୩ଟି କିସ୍ତିରେ ଆସିଥାଏ ।
ଏହି ରାଶି ଚାଷରେ ସାହାଯ୍ୟ କରିବା ପାଇଁ ଦିଆଯାଏ । ଏପର୍ଯ୍ୟନ୍ତ ଏହି ଯୋଜନା ଅନ୍ତର୍ଗତ ୧୩ ତମ କିସ୍ତି କେନ୍ଦ୍ର ସରକାର ଚାଷୀଙ୍କ ଆକାଉଣ୍ଟକୁ ପଠାଇ ସାରିଛନ୍ତି।
ଏହି ଯୋଜନା ଅଧୀନରେ ଇ-କେୱାଇସି କରିବାକୁ ସରକାର ବାଧ୍ୟତାମୂଳକ କରିଛନ୍ତି। ଯଦି ଇ-କେୱାଇସି କରା ନ ଯାଏ ତେବେ ଆପଣଙ୍କ ଟଙ୍କା ଅଟକିଯିବ ।
ଏହା ବାଦ୍, ଆପଣଙ୍କୁ ଅନ୍ୟ କିଛି କାମ ମଧ୍ୟ କରିବାକୁ ପଡିବ। ନଚେତ୍ ଆପଣ ପିଏମ କିସାନ ଯୋଜନାର ପରବର୍ତ୍ତୀ କିସ୍ତି ପାଇବେ ନାହିଁ ।
ଯଦିଓ ଆପଣ ଆବେଦନ ସମୟରେ ସଠିକ୍ ସୂଚନା ଦେଇନାହାଁନ୍ତି, ଆପଣଙ୍କ ଟଙ୍କା ଅଟକି ଯାଇପାରେ । ଏହା ବ୍ୟତୀତ ଆଧାର କାର୍ଡ ପାନ୍ କାର୍ଡ ସହିତ ଲିଙ୍କ୍ ହୋଇନଥିଲେ ମଧ୍ୟ ଟଙ୍କା ପାଇପାରିବେ ନାହିଁ।
ପ୍ରଧାନମନ୍ତ୍ରୀ କିଷାନ ଯୋଜନା ଅଧୀନରେ, ଯଦି ଆପଣ ଭୁଲ ବ୍ୟାଙ୍କ ଆକାଉଣ୍ଟ ନମ୍ବର ଦିଅ, ତେବେ ଆପଣଙ୍କର କିସ୍ତି ଟଙ୍କା ବନ୍ଦ ହୋଇଯିବ । ଅନ୍ୟପକ୍ଷରେ, ଯଦି ଆପଣ ଆୟକର ବା ଇନକମ ଟ୍ୟାକ୍ସ ଭରୁଛନ୍ତି ତେବେ ତେବେ ଆପଣ ଟଙ୍କା ପାଇ ପାରିବେ ନାହିଁ ।
