ଭଙ୍ଗାଗଲା ପୁରୁଣା ସିନେମା ହଲ ଶ୍ରୀକୃଷ୍ଣ
ପୁୁରୀ : ବଡ଼ଦାଣ୍ଡ ନିକଟରେ ଥିବା ଶ୍ରୀକୃଷ୍ଣ ସିନେମା ହଲକୁ ପ୍ରଶାସନ ପକ୍ଷରୁ ଆଜି ଉଚ୍ଛେଦ କରାଯାଇଛି । ମାଜିଷ୍ଟ୍ରେଟ ଓ ପୋଲିସଙ୍କ ଉପସ୍ଥିତିରେ ଏହି ଭଙ୍ଗା କାର୍ଯ୍ୟ ଜାରି ରହିଥିଲା । କୁହାଯାଉଛି ଶ୍ରୀମନ୍ଦିର ଠାରୁ ଏହା ୧୦୦ ମିଟରରେ ରହିଥିବା ବେଳେ ସେହି ଜାଗାଟି ମହାପ୍ରଭୁ ଶ୍ରୀଜଗନାଥଙ୍କ ନାମରେ ରେକର୍ଡ଼ ରହିଛି । ଏ ସମ୍ପର୍କରେ ଉପଜିଲା୍ଲପାଳ ଭବତାରଣ ସାହୁ କହିଛନ୍ତି ଦଖଲରେ ଥିବା ପ୍ରଜାଙ୍କୁ ଉପଯୁକ୍ତ କ୍ଷତି ପୂରଣ ଦିଆଯାଇ ଭଙ୍ଗା ଯାଇଛି । ଶୁଣାଯାଉଛି ଏହି ସ୍ଥାନରେ ଅଭ୍ୟର୍ଥନା ଗୃହ ନିର୍ମାଣ କରାଯିବ । ଫନି ପରଠାରୁ ଏହି ସିନେମା ହଲ ବନ୍ଦ ରହିଥିଲା । ପରିକ୍ରମା ପ୍ରକଳ୍ପ କାର୍ଯ୍ୟ ନିମନ୍ତେ ଏହି ଉଚ୍ଛେଦ କାର୍ଯ୍ୟ କରାଯାଉଥିବା କୁହଯାଇଛି । ବଡ଼ଦାଣ୍ଡ ପଟୁ ଏବଂ ସାହି ପଟୁ ବ୍ୟାରିକେଡ କରାଯାଇ ଜେସିବି ଦ୍ୱାରା ଉଚ୍ଛେଦ କାର୍ଯ୍ୟ ଚାଲିଥିଲା । ପୋଲିସ ଫୋର୍ସ ଦୁଇପଟେ ଜଗି ରିହିଥିଲେ ।
