ପ୍ରଥମ ଥର ପାଇଁ ଆଇଏସ୍ଏଲ୍ ଟ୍ରଫି ଜିତିଲା ଏଟିକେ ମୋହନବାଗାନ
ପଣଜୀ : ପ୍ରଥମ ଥର ପାଇଁ ଆଇଏସ୍ଏଲ୍ ଟ୍ରଫି ଜିତିଲା କୋଲକାତା ଦଳ ଏଟିକେ ମୋହନବାଗାନ। ଗୋଆର ଫତୋର୍ଦା ଷ୍ଟାଡିୟମ୍ରେ ଖେଳାଯାଇଥିବା ଫାଇନାଲ୍ରେ ଏଟିକେ ମୋହନ ବାଗାନ ୪-୩ ପେନାଲ୍ଟି ଗୋଲ୍ରେ ବେଙ୍ଗାଲୁରୁ ଏଫ୍ସିକୁ ପରାସ୍ତ କରି ଏହି ଗୌରବ ଅର୍ଜନ କରିଛି।
ନିର୍ଦ୍ଧାରିତ ସମୟରେ ମ୍ୟାଚ୍ ୨-୨ ଗୋଲ୍ରେ ଶେଷ ହୋଇଥିଲା। ଏହି ସମୟରେ ଏଟିକେ ପାଇଁ ଦିମିତ୍ରୀ ପେତ୍ରାଟସ ୧୪ ଓ ୮୫ ମିନିଟରେ ପେନାଲ୍ଟି ଗୋଲ୍ ଦେଇଥିଲେ। ବେଙ୍ଗାଲୁରୁ ଏଫସି ପାଇଁ ସୁନିଲ ଛେତ୍ରୀ (୪୫+୫ ମିନିଟ୍) ମଧ୍ୟ ପେନାଲ୍ଟିରୁ ଗୋଲ୍ ଦେଇଥିଲେ। କ୍ରିଷ୍ଣା ରୟ ୭୮ ମିନିଟରେ ଦଳର ଦ୍ବିତୀୟ ଗୋଲ୍ ଦେଇଥିଲେ।
