ଟି-୨୦ ବିଶ୍ୱକପ୍ରେ ସିଧାସଳଖ ଏଣ୍ଟ୍ରି ମାରିଲା ଭାରତୀୟ ମହିଳା କ୍ରିକେଟ ଦଳ
ନୂଆଦିଲ୍ଲୀ : ଟିମ୍ ଇଣ୍ଡିଆ ପାଇଁ ଖୁସିଖବର । ଟି-୨୦ ବିଶ୍ୱକପ୍ରେ ସିଧାସଳଖ ଏଣ୍ଟ୍ରି ମାରିଲା ଭାରତୀୟ ମହିଳା କ୍ରିକେଟ ଦଳ । ଚଳିତବର୍ଷ ଭାରତୀୟ ମହିଳା କ୍ରିକେଟ ଦଳ ଟି -୨୦ ବିଶ୍ୱକପ୍ର ସେମିଫାଇନାଲରେ ପ୍ରବେଶ କରିଥିବାରୁ ଆସନ୍ତାବର୍ଷ ହେବାକୁ ଥିବା ବିଶ୍ୱକପ ପାଇଁ ଟିମ୍ ଇଣ୍ଡିଆ ସିଧାସଳଖ ପ୍ରବେଶ କରିଛି ।
ସୂଚନା ଯେ, ଚଳିତବର୍ଷ ଭାରତୀୟ ମହିଳା କ୍ରିକେଟ ଦଳ ଟି -୨୦ ବିଶ୍ୱକପ୍ର ସେମିଫାଇନାଲରେ ପ୍ରବେଶ କରିଥିଲା । ସେମିଫାଇନାଲରେ ଦଳ ଅଷ୍ଟ୍ରେଲିଆ ଠାରୁ ପରାଜିତ ହେବା ପରେ ବିଶ୍ୱକପ ଜିତିବାର ସ୍ୱପ୍ନ ପୂରଣ କରିପାରି ନାହିଁ । କିନ୍ତୁ ଦଳକୁ ସେମିଫାଇନାଲରେ ପ୍ରବେଶ କରିବାର ଲାଭ ମିଳିଛି । ୨୦୨୪ରେ ବାଂଲାଦେଶରେ ଅନୁଷ୍ଠିତ ହେବାକୁ ଥିବା ଟି-୨୦ ବିଶ୍ୱକପରେ ଟିମ୍ ଇଣ୍ଡିଆ ସିଧାସଳଖ ପ୍ରବେଶ କରିଛି । କାରଣ ବିଶ୍ୱକପ୍ ୨୦୨୩ ଗ୍ରୁପ୍ର ଶ୍ରେଷ୍ଠ -୬ ଦଳ ଆଗାମୀ ବିଶ୍ୱକପରେ ସିଧାସଳଖ ପ୍ରବେଶ କରିଥାନ୍ତି ।
ଭାରତୀୟ ମହିଳା ଟିମ୍ ନିଜ ଗ୍ରୁପରେ ଶ୍ରେଷ୍ଠ ୩ ରେ ସ୍ଥାନ ପାଇଥିଲା । ଏଭଳି ପରିସ୍ଥିତିରେ ଉଭୟ ଗ୍ରୁପ୍ର ଶ୍ରେଷ୍ଠ- ୬ ଟିମ୍ ସହିତ ବାଂଲାଦେଶ ଏବଂ ପାକିସ୍ଥାନକୁ ଆୟୋଜକ ଦେଶ ଭାବରେ ପରବର୍ତୀ ବିଶ୍ୱକପ୍ରେ ଏଂଟ୍ରି ମିଳିଛି । ବିଶ୍ୱକପ ପାଇଁ ଅଷ୍ଟ୍ରେଲିଆ, ନ୍ୟୁଜିଲାଣ୍ଡ ଏବଂ ଦକ୍ଷିଣ ଆଫ୍ରିକା ଗ୍ରୁପ -୧ ରୁ ପ୍ରବେଶ କରିଛନ୍ତି । ଗ୍ରୁପ-୨ରୁ ଇଂଲଣ୍ଡ, ଭାରତ, ୱେଷ୍ଟଇଣ୍ଡିଜ ପ୍ରବେଶ କରିଛନ୍ତି । ଏହି ଟି -୨୦ ବିଶ୍ୱକପରେ ଅଂଶଗ୍ରହଣ କରୁଥିବା ଦଳ ମଧ୍ୟରେ ଶ୍ରୀଲଙ୍କା ଏବଂ ଆୟର୍ଲାଣ୍ଡ ଏଭଳି ଦଳ ଯିଏକି ପରବର୍ତୀ ବିଶ୍ୱକପ ପାଇଁ ଯୋଗ୍ୟତା ଅର୍ଜନ କରିପାରି ନାହାନ୍ତି ।
