ଦେଶରେ ସର୍ବାଧିକ ସଂଖ୍ୟକ ପିଏଚଡି ଡକ୍ଟରେଟ୍ ଡିଗ୍ରୀଧାରୀରେ ତାମିଲନାଡୁ ପ୍ରଥମ
ନୂଆଦିଲ୍ଲୀ : ଦେଶରେ ପୁଣି ଥରେ ସର୍ବାଧିକ ସଂଖ୍ୟକ ପିଏଚଡି ଡକ୍ଟରେଟ୍ ଡିଗ୍ରୀଧାରୀରେ ତାମିଲନାଡୁ ପ୍ରଥମ। ନିକଟରେ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରଣାଳୟ ଦ୍ୱାରା ପ୍ରକାଶ ପାଇଛି ୨୦୨୦-୨୧ ବର୍ଷର ଅଲ ଇଣ୍ଡିଆ ସର୍ଭେ ଅଫ୍ ଉଚ୍ଚଶିକ୍ଷା (ଏଆଇଏସଏଚଇ) ରିପୋର୍ଟ । ଏଥିରେ ସର୍ବାଧିକ ଡକ୍ଟରେଟ୍ ସ୍ନାତକ ପାଇଛନ୍ତି ତାମିଲନାଡୁର ଛାତ୍ରଛାତ୍ରୀ । ୨୦୨୦-୨୧ ଶିକ୍ଷାବର୍ଷରେ ରାଜ୍ୟରେ ମୋଟ ୩,୨୦୬ ଜଣ ପିଏଚଡି ଡକ୍ଟରେଟ୍ ପାଇଛନ୍ତି । ସେଥିମଧ୍ୟରୁ ୧୪୯୩ ଜଣ ମହିଳା ଏବଂ ୧୭୧୩ ଜଣ ପୁରୁଷ ରହିଛନ୍ତି । ଏହି ତାଲିକାରେ ଉତ୍ତରପ୍ରଦେଶ ୨୨୧୭ ଡିଗ୍ରୀ ହାସଲ କରିଥିବା ବେଳେ କର୍ଣ୍ଣାଟକ ତୃତୀୟ ସ୍ଥାନରେ ରହି ୨୧୨୫ ଏବଂ ଚତୁର୍ଥ ସ୍ଥାନରେ ୨୦୫୫ ପିଏଚଡି ସ୍ନାତକ ହାସଲ କରିଛି । ଯଦିଓ ତାମିଲନାଡୁ ଚଳିତବର୍ଷ ଏହି ତାଲିକାର ଶୀର୍ଷରେ ରହିଆସିଛି, କିନ୍ତୁ ବିଗତ କିଛି ବର୍ଷରେ ରାଜ୍ୟରେ ପିଏଚଡି ସ୍ନାତକ ସଂଖ୍ୟାରେ ହ୍ରାସ ଘଟିଥିଲା ।
ଏଆଇଏସଏଚଇ ରିପୋର୍ଟ ଅନୁଯାୟୀ ୨୦୧୯-୨୦ରେ ତାମିଲନାଡୁରୁ ୫୩୨୪ ପିଏଚଡି ଛାତ୍ରଛାତ୍ରୀ ବାହାରିଛନ୍ତି । ସେଥିମଧ୍ୟରୁ ୨୭୬୮ ଜଣ ଛାତ୍ରୀ ଏବଂ ୨୫୫୬ ଜଣ ଛାତ୍ର ସହ ଏହି ଲିଷ୍ଟର ଶୀର୍ଷରେ ରହିଛି ତାମିଲନାଡୁ । ସେହିପରି ୨୦୧୮-୧୯ରେ ରାଜ୍ୟ ୫୮୪୪ ପିଏଚଡି ଡିଗ୍ରୀଧାରୀ ବାହାରିଛନ୍ତି ।
ସୂଚନା ଯେ, ଉଚ୍ଚଶିକ୍ଷାରେ ତାମିଲନାଡୁର ମୋଟ ନାମଲେଖା ଅନୁପାତ (ଜିଇଆର) ରେ ୨.୧% ହ୍ରାସର ପୃଷ୍ଠଭୂମି ବିରୁଦ୍ଧରେ ଏହା ଆସିଛି । ୨୦୨୦-୨୧ ରିପୋର୍ଟରେ କୁହାଯାଇଛି ଯେ ଜିଇଆର ୪୬.୯% ଥିବାବେଳେ ୨୦୧୯-୨୦ରେ ଏହା ୪୯% ଥିଲା । ତେବେ, ଦେଶରେ ତାମିଲନାଡୁର ସର୍ବାଧିକ ଜିଇଆର ରହିଛି, ଯେପରିକି ୨୦୨୦-୨୧ରେ ଜାତୀୟ ଜିଇଆର ୨୫.୬ରୁ ୨୭.୩% କୁ ବୃଦ୍ଧି ପାଇଛି।
