ଖ୍ୟାତନାମା ଓଡ଼ିଆ ସାହିତ୍ୟିକ ପଣ୍ଡିତ ଅନ୍ତର୍ଯ୍ୟାମୀ ମିଶ୍ରଙ୍କୁ ସମ୍ବର୍ଦ୍ଧିତ କଲେ ମୁଖ୍ୟମନ୍ତ୍ରୀ
ଭୁବନେଶ୍ୱର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଢେଙ୍କାନାଳ ଜିଲାର ଖ୍ୟାତନାମା ଓଡ଼ିଆ ସାହିତ୍ୟିକ ପଣ୍ଡିତ ଅନ୍ତର୍ଯ୍ୟାମୀ ମିଶ୍ରଙ୍କୁ ସମ୍ବର୍ଦ୍ଧିତ କରିଛନ୍ତି । ନବୀନ ନିବାସରେ ଭାରତର ସର୍ବୋଚ୍ଚ ନାଗରିକ ସମ୍ମାନ ମଧ୍ୟରୁ ସମ୍ମାନଜନକ ପଦ୍ମଶ୍ରୀ ପୁରସ୍କାର ପାଇବାକୁ ଯାଉଥିବା ପଣ୍ଡିତ ମିଶ୍ରଙ୍କୁ ମୁଖ୍ୟମନ୍ତ୍ରୀ ଶୁଭେଚ୍ଛା ଜଣାଇଛନ୍ତି।
ଟୁଇଟ କରି ମୁଖ୍ୟମନ୍ତ୍ରୀ କହିଛନ୍ତି ଯେ, ଜଣେ ସମ୍ମାନିତ ସାହିତ୍ୟିକ ଅନ୍ତର୍ଯ୍ୟାମୀ ମିଶ୍ରଙ୍କୁ ଭେଟି ସେ ବହୁତ ଖୁସି। ଓଡିଆ ଭାଷା ଏବଂ ସାହିତ୍ୟର ପ୍ରସାରରେ ପଣ୍ଡିତ ମିଶ୍ରଙ୍କ ଅବଦାନ ସମସ୍ତଙ୍କୁ ପ୍ରେରଣା ଯୋଗାଇବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଓଡ଼ିଆ ସାହିତ୍ୟକୁ ସମୃଦ୍ଧ କରିବା ଦିଗରେ ପ୍ରୟାସ ଜାରି ରଖିବା ସହିତ ତାଙ୍କ ଏକ ଉଜ୍ଜ୍ୱଳ ଭବିଷ୍ୟତ କାମନା କରିଛନ୍ତି ମୁଖ୍ୟମନ୍ତ୍ରୀ। ଏହି ଅବସରରେ ମୁଖ୍ୟମନ୍ତ୍ରୀଙ୍କ ଓଏସଡି ମନୋଜ ମିଶ୍ର ଉପସ୍ଥିତ ଥିଲେ।
ସୂଚନା ଯେ, ପଣ୍ଡିତ ଅନ୍ତର୍ଯ୍ୟାମୀ ମିଶ୍ର ପ୍ରଥମ ପଣ୍ଡିତ ଯିଏକି ଓଡ଼ିଶାର ଇତିହାସ ଅଧ୍ୟୟନ, ଅଭିବୃଦ୍ଧି, ବିକାଶ ଏବଂ ଓଡିଆ ଭାଷାର ଶାସ୍ତ୍ରୀୟ ସ୍ଥିତିକୁ ତାଙ୍କ ଅନୁସନ୍ଧାନ ପୁସ୍ତକ ଓଡିଆ-ଏକାକୀ ଶାସ୍ତ୍ରୀୟ ଭାଷାରେ ପ୍ରକାଶ କରିଥିଲେ। ସେ ଗତ ପାଞ୍ଚ ଦଶନ୍ଧି ଧରି ଓଡିଆ ଭାଷା, ବ୍ୟାକରଣ ଏବଂ ସଂସ୍କୃତିର ଗବେଷଣା ଦିଗରେ ଅତୁଳନୀୟ କାର୍ଯ୍ୟ କରିଛନ୍ତି। ସେ ଅନେକ ପୁସ୍ତକ ମଧ୍ୟ ରଚନା କରିଛନ୍ତି। ତାଙ୍କର ଅନେକ ସାହିତ୍ୟି ପାଠ୍ୟପୁସ୍ତକରେ ସ୍ଥାନ ପାଇଛି ।
