ଜିଲା ବ୍ରାହ୍ମଣ ସମିତିର ବାର୍ଷିକ ସାଧାରଣସଭା
ବାଲେଶ୍ୱର : ବାଲେଶ୍ୱର ଜିଲା ବ୍ରାହ୍ମଣ ସମିତିର ବାର୍ଷିକ ସାଧାରଣ ସଭା ଓ ବନ୍ଧୁମିଳନ ଉତ୍ସବ ବାରିବାଟି ସ୍ଥିତ ସମିତିର ନିଜସ୍ୱ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଛି । ସଂଗଠନର ସଭାପତି ଡା. ଶ୍ରୀଶ କୁମାର ଦାଶଙ୍କ ପୌରୋହିତ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ପଣ୍ଡିତ ବସନ୍ତ କୁମାର ପଣ୍ଡା ମଙ୍ଗଳାଷ୍ଟକ ଓ ବେଦମନ୍ତ୍ର ପାଠ କରିବା ପରେ ଶ୍ରୀଜଗନ୍ନାଥଙ୍କୁ ଧୂପ, ଦୀପ ଓ ପୁଷ୍ପାର୍ଘ୍ୟ ପ୍ରଦାନ କରାଯାଇଛି ।
ସାଧାରଣ ସମ୍ପାଦକ ଗୌରଚନ୍ଦ୍ର ଦାଶ ନବବର୍ଷରେ ଉପସ୍ଥିତ ସଦସ୍ୟମାନଙ୍କୁ ସ୍ୱାଗତ ଜଣାଇ ଗତବର୍ଷର ବାର୍ଷିକ ବିବରଣୀ ଓ କୋଷାଧ୍ୟକ୍ଷ ନିରାକାର ଦାଶ ଆୟବ୍ୟୟର ବିବରଣୀ ପାଠ କରିବା ପରେ ଏହା ଗୃହୀତ ହୋଇଥିଲା । ପଣ୍ଡିତ ଡ. କ୍ଷିତିଶ୍ୱର ଦାଶ, ଶକ୍ତିପଦ ପଣ୍ଡା, କୃଷ୍ଣଚନ୍ଦ୍ର ପତ୍ରୀ, ଭ୍ରୁଗୁରାମ କର, ଗୌରସାଧନ ମିଶ୍ର, ସୂର୍ଯ୍ୟନାରାୟଣ ଷଡ଼ଙ୍ଗୀ, ବୁଦ୍ଧିରାମ ପଣ୍ଡା, ଚନ୍ଦ୍ରାଂଶୁ ବାନାର୍ଜୀ, ଗୌର ଗଦାଧର ଶତପଥୀ, ବିରେନ୍ଦ୍ର କର, ଶାନ୍ତିଭୂଷଣ ମିଶ୍ର, ପ୍ରଦୀପ ଚକ୍ରବର୍ତ୍ତୀ, ସର୍ବେଶ୍ୱର ପତି, ଗିରିଶ ଚନ୍ଦ୍ର ପାଣିଗ୍ରାହୀ, ସମିତିର ଉପଦେଷ୍ଟା ଗୌରାଙ୍ଗ ପାଣିଗ୍ରାହୀ ପ୍ରମୁଖ ବରିଷ୍ଠ ସଦସ୍ୟମାନେ ଆଲୋଚନାରେ ଅଂଶଗ୍ରହଣ କରିଥିଲେ । ଜିଲାସ୍ତରରେ ସଂଗଠନକୁ ସୁଦୃଢ଼ କରିବା, ଅଧିକ ସଭ୍ୟ ସଂଗ୍ରହ କରିବା ଓ କାର୍ଯ୍ୟାଳୟ ଚତୁଃପାଶ୍ୱର୍ରେ ପକ୍କା ପ୍ରାଚୀର ନିର୍ମାଣ ସମ୍ପର୍କରେ ବୈଠକରେ ଆଲୋଚନା ହୋଇଥିଲା । ପଣ୍ଡିତ ସରୋଜ କୁମାର ଷଡ଼ଙ୍ଗୀ ଧନ୍ୟବାଦ ଅର୍ପଣ କରିଥିଲେ ।
