ପୋଲିସ୍ ଷ୍ଟେସନକୁ ଦେଖି ଜଙ୍ଗଲ ଆଡ଼କୁ ଦୌଡ଼ିଥିବା ତିନି ସନ୍ଦିଗ୍ଧଙ୍କ ତଲାସୀ ଅଭିଯାନ ଜାରୀ
ରାଜୌରୀ : ଜାମ୍ମୁ ସଂଭାଗର ରାଜୌରୀ ଜିଲ୍ଲାରେ ଏକ ପୋଲିସ୍ ଷ୍ଟେସନକୁ ଦେଖି ଜଙ୍ଗଲରେ ଦୌଡ଼ିଥିବା ତିନି ସନ୍ଦିଗ୍ଧଙ୍କୁ ଧରିବା ପାଇଁ ଗୁରୁବାର ଦିନ ମଧ୍ୟ ତଲାସୀ ଅଭିଯାନ ଚାଲୁ ରହିଛି । ବୁଧବାର ସଂଧ଼୍ୟାରେ ତିନି ମୋଟରସାଇକେଲ ରେ ଥିବା ସନ୍ଦିଗ୍ଧ ନୌଶେରା ପାଖରେ ପୋଲିସ୍ ଷ୍ଟେସନ ଦେଖି ମୋଟରସାଇକେଲ୍ ଛାଡ଼ି ଫେରାର୍ ହୋଇଯାଇଥିଲେ । ଅତିରିକ୍ତ ପୋଲିସ୍ ମହାନିର୍ଦ୍ଦେଶକ(ଏଡିଜିପି) ମୁକେଶ ସିଂହ କହିଛନ୍ତି ଯେ ତିନି ସନ୍ଦିଗ୍ଧ ନାଳ ପାର କରି ଜଙ୍ଗଲ ଆଡ଼କୁ ଜଙ୍ଗଲ ଅଂଚଳରେ ଦୌଡ଼ିଥିଲେ । ଆମେ ସେହି ତିନିଜଣଙ୍କ ତଲାସ କରୁଛୁ । ଏବେ ପର୍ଯ୍ୟନ୍ତ ସୁରକ୍ଷା କର୍ମୀଙ୍କୁ କୌଣସି ସଫଳତା ମିଳିନାହିଁ ।
