ହକି ବିଶ୍ୱକପ୍ ଉଦଘାଟନୀ ଉତ୍ସବ: ବାରବାଟୀ ଆସିବେ ରଣବୀର ସିଂହ ଓ ଦିଶା ପଟାନୀ
କଟକ : ହକି ବିଶ୍ୱକପ୍ ଉଦଘାଟନୀ ଉତ୍ସବରେ ସାମିଲ ହେବେ ରଣବୀର ସିଂହ ଓ ଦିଶା ପଟାନୀ | ଏଣୁ ଉଦଘାଟନୀ ଉତ୍ସବ ପାଇଁ ଅନଲାଇନ୍ ଟିକେଟ୍ ବିକ୍ରି ଆରମ୍ଭ ହୋଇ ସାରିଛି । ଟିକେଟ୍ ଦାମ୍ ୨୫୦ରୁ ୫୦୦ ଟଙ୍କା ରଖାଯାଇଛି ।
କଟକ ବାରବାଟୀ ଷ୍ଟାଡିୟମରେ ୧୧ ତାରିଖରେ ଉଦଘାଟନୀ ଉତ୍ସବ ଅନୁଷ୍ଠିତ ହେବ । ଉଦଘାଟନୀ ଉତ୍ସବକୁ ନିଆରା କରିବା ପାଇଁ ଜୋରସୋରରେ ଉଦ୍ୟମ କରାଯାଉଛି । ଉଦଘାଟନୀ ଉତ୍ସବର ନାଁ ‘ସେଲିବ୍ରେସନ୍’ ରଖାଯାଇଛି । ଏଥିରେ ଓଡ଼ିଶାର ସଂସ୍କୃତି ସହ ଗୀତ, ନୃତ୍ୟ ଏବଂ ପ୍ରଯୁକ୍ତିବିଦ୍ୟାର ଭରପୁର ମନୋରଞ୍ଜନ ରହିବ । ବଲିଉଡ୍ ତାରକା ରଣବୀର ସିଂହ ଓ ଦିଶା ପଟାନୀଙ୍କ ସହ ପ୍ରସିଦ୍ଧ କେ-ପପ୍ ବ୍ୟାଣ୍ଡ ବ୍ଲାକ ସ୍ୱାନ୍ ଗ୍ରୁପ୍, ଓଡ଼ିଶାର ଜଣାଶୁଣା ଗାୟିକା ଶ୍ରେୟା ଲେଙ୍କା ନିଜର ଜଲୱା ଦେଖାଇବେ ।
