କଂଗ୍ରେସ ଅଧ୍ୟକ୍ଷ ପଦ ପାଇଁ ୯୬% ମତଦାନ
ନୂଆଦିଲ୍ଲୀ : କଂଗ୍ରେସ ପାର୍ଟିର ଦିଲ୍ଲୀସ୍ଥିତ ମୁଖ୍ୟାଳୟ ସହିତ ଦେଶସାରର ୬୮ ମତଦାନ କେନ୍ଦ୍ରରେ ସୋମବାର ଦିନ ନୂଆ ପାର୍ଟି ଅଧ୍ୟକ୍ଷ ନିର୍ବାଚନ ପାଇଁ ମତଦାନ ହୋଇଛି । ୨୨ବର୍ଷ ପରେ ପ୍ରଥମ ଥର କୌଣସି ବିନା ଗାନ୍ଧୀ ପାର୍ଟିର ଅଧ୍ୟକ୍ଷ ହେବାକୁ ଯାଉଛନ୍ତି । ଅଧ୍ୟକ୍ଷ ପଦ ପାଇଁ ବରିଷ୍ଠ କଂଗ୍ରେସୀ ନେତା ମଲ୍ଲିକାର୍ଜ୍ଜୁନ ଖଡ଼ଗେ ଏବଂ ତିରୁବନନ୍ତପୁରମ୍ରୁ ସାଂସଦ ଶଶି ଥରୁର ନିର୍ବାଚନ ମୈଦାନରେ ଅଛନ୍ତି । ମୁଖ୍ୟ ନିର୍ବାଚନ ଅଧିକାରୀ କେନ୍ଦ୍ରୀୟ ନିର୍ବାଚନ ସମିତିର ଅଧ୍ୟକ୍ଷ ମଧୁସୂଦନ ମିସ୍ତ୍ରୀଙ୍କ ଅନୁଯାୟୀ ୯୯୦୦ ମତଦାତାଙ୍କ ମଧ୍ୟରୁ୯୫୦୦ ସୋମବାର ଦିନ ହୋଇଥିବା ଅଧ୍ୟକ୍ଷ ପଦ ନିର୍ବାଚନରେ ମତଦାନ କରିଛନ୍ତି । ମତଦାନ ୯୬ ପ୍ରତିଶତ ରହିଛି । କେଉଁଠାରୁ କୌଣସି ଅପ୍ରିତିକର ଘଟଣାର ଖବର ମିଳିନାହିଁ । ଦିଲ୍ଲୀରେ ୮୭ ମତଦାତା ଭୋଟ୍ ଦେଇଛନ୍ତି ।
