ସୁନ୍ଦରଗଡ଼ରେ ଆଉ ୯ ନୂଆ ସ୍କ୍ରବ ଟାଇଫସ ଆକ୍ରାନ୍ତ ଚିହ୍ନଟ, ୩୦୪ରେ ପହଞ୍ଚିଲା ପଜିଟିଭ ସଂଖ୍ୟା
ସୁନ୍ଦରଗଡ : ରାଜ୍ୟରେ ବେକାବୁ ହେଲାଣି ସ୍କ୍ରବ୍ ଟାଇଫସ୍ । ଦିନକୁ ଦିନ ବଢିବାରେ ଲାଗିଛି ଆକ୍ରାନ୍ତଙ୍କ ସଂଖ୍ୟା । ପ୍ରତିଦିନ ଚିହ୍ନଟ ହେଉଛନ୍ତି ନୂଆ ନୂଆ କେସ୍ । ସବୁଠୁ ବେଶି ପ୍ରଭାବିତ ହୋଇଛି ସୁନ୍ଦରଗଡ ଜିଲା । ଜିଲାରେ ଲଗାତାର ଭାବରେ ମାଡି ଚାଲିଛି ସ୍କ୍ରବ୍ ଟାଇଫସ୍ । ଏହି ପରିପ୍ରେକ୍ଷୀରେ ସୋମବାର ପୁଣି ୯ଜଣ ସ୍କ୍ରବ ଟାଇଫସ ପୋଜିଟିଭ ଚିହ୍ନଟ ହୋଇଛନ୍ତି । ଏହାକୁ ମିଶାଇ ମୋଟ ପଜିଟିଭ ସଂଖ୍ୟା ୩୦୪ରେ ପହଞ୍ଚିଛି।
ଜିଲାରେ ୩୪ ଟି ରକ୍ତ ନମୁନା ପରୀକ୍ଷା କରାଯାଇଥିଲା । ଯେଉଁଥିରେ ପରେ ୯ଜଣଙ୍କର ରିପୋର୍ଟ ଆସିଛି। ତେବେ ଚିହ୍ନଟ ହୋଇଥିବା ୬ ଆକ୍ରାନ୍ତଙ୍କ ଉପରେ ଲଗାତର ଭାବେ ନଜର ରଖାଯାଇଛି ବୋଲି । ପ୍ରତେକ ଦିନ ରୋଗୀ ଙ୍କ ସଂଖ୍ୟା ବଢୁଥିବାରୁ ଜିଲା ପ୍ରଶାସନ ଓ ମେଡିକାଲ ବିଭାଗର ଚିନ୍ତା ବଢାଇଛି । ମେଡିକାଲ ଓ ଜିଲା ପ୍ରଶାସନ ପକ୍ଷରୁ ଗାଁ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରାଯାଉଛି । ଲୋକଙ୍କ ସ୍କ୍ରବ୍ ଟାଇଫସ ନେଇ ସଚେତନ କରାଯାଉଛି ।
