ଅଷ୍ଟମ ଡାକ ମେଳା ଅନୁଷ୍ଠିତ

ବାଲେଶ୍ୱର : ବାଲେଶ୍ୱର ମୁଖ୍ୟ ଡାକ ଘର ପରିସରରେ ଥିବା ସଭାଗୃହରେ ଚଳିତ ଆର୍ଥିକ ବର୍ଷର ବାଲେଶ୍ୱର ଡାକ ମଣ୍ଡଳରେ ଅଷ୍ଟମ ଡାକ ମେଳା ଅନୁଷ୍ଠିତ ହୋଇଯାଇଛି ।

ଉକ୍ତ ଡାକ ମେଳାରେ ବାଲେଶ୍ୱର ଉପଖଣ୍ଡ ସହକାରୀ ଡାକ ଅଧୀକ୍ଷକ ରବି ନାରାୟଣ ବେହେରା ସଭାପତିତ୍ୱ କରିଥିଲେ । ମୁଖ୍ୟଅତିଥି ଭାବେ ବାଲେଶ୍ୱର ଡାକମଣ୍ଡଳର ଅଧୀକ୍ଷକ ଜୟନ୍ତ କୁମାର ଦାସ, ମୁଖ୍ୟବକ୍ତା ଭାବେ ଜିଲା ସ୍ୱଳ୍ପ ସଞ୍ଚୟ ଅଧିକାରିଣୀ ପ୍ରଜ୍ଞା ମିଶ୍ର, ସମ୍ମାନିତ ଅତିଥି ଭାବେ ବାଲେଶ୍ୱର ଆଇପିପିବି ଶାଖାର ସିନିୟର ମ୍ୟନେଜର ବିରଞ୍ôଚ ନାରାୟଣ ସାମଲ ଓ ବାଲେଶ୍ୱର ଡାକମଣ୍ଡଳର ସହକାରୀ ଡାକ ଅଧୀକ୍ଷକ ସମରଜିତ୍ ନାୟକ ଯୋଗଦେଇ ଥିବା ବେଳେ ଅତିଥି ଭାବରେ ଆଇପିଆର୍ ନୀଳଗିରି ଗିରିଧାରୀ ଧାମୁଡ଼ିଆ, ଆଇପି ଜଳେଶ୍ୱର ଇଷ୍ଟ କାର୍ତ୍ତିକ ଚନ୍ଦ୍ର ଦାସ, ଆଇପି ଜଳେଶ୍ୱର ୱେଷ୍ଟ ସଦାଶିବ ରାଉତ, ଆଇପି ସୋର ରିମ୍ପା ଅଧିକାରୀ ପ୍ରମୁଖ ଯୋଗଦେଇଥିଲେ । ବିଭାଗର ପ୍ରତ୍ୟେକଟି କାର୍ଯ୍ୟକୁ ଅତିଥିମାନେ ପ୍ରଶଂସା କରିବା ସହ ବିଭାଗର ବିଭିନ୍ନ ସ୍ତରରେ କାର୍ଯ୍ୟରତ କର୍ମଚାରୀମାନଙ୍କୁ ସମ୍ବର୍ଦ୍ଧନା ତଥା ପୁରସ୍କାର ପ୍ରଦାନ କରିଥିଲେ । କାର୍ଯ୍ୟକ୍ରମରେ ଡାକବିଭାଗର ବିଭିନ୍ନ ଜନହିତକାରୀ ଯୋଜନା ଗୁଡ଼ିକର ତୃଣମୂଳ ସ୍ତରରେ ସଫଳ ରୂପାୟନ ପାଇଁ ନିଆଯାଇଥିବା ବିଭିନ୍ନ ପଦକ୍ଷେପ ବାବଦରେ ଆଲୋକପାତ କରାଯାଇଥିଲା ।